kritiken hemeroteka

8.826 kritika

« | »

Dalila / Laura Uruburu / Labayru, 1986

Gaztaroko amodio hautsitan barna Iñaki Camino / Argia, 1986-09-14

Badakizue Galburua liburu-sortak literatura atsegina eta irakurterraza eskuratu nahi diola irakurleari, gazte euskaltzaleei batez ere, gaurko kezka, irriki eta sentsibilitatetik hurreko literatura. Zentzu hau dute Laura Uruburu idazle gernikarraren hitzaurreko berbek. Idatz Mintz aldizkariko kolaboratzaileak dioenez, benetazkoak eta fantasiazko gertaerak nahasi nahi izan ditu, gazte eta gazte-helduentzat idatziak, filosofia gehiegi gabe, liburu serio eta sakonak pizuak omen dira eta, ideiak sakondu ezean, laztanduz bakarrik, baina azterketara eramango gaituzten itaun batzu irakurlearengan sortu nahiz.

Kontatzen dena arras xinplea da, 18 urteko mutiko eder batek emakume heldu bat (30 bat urte?) edireten du, eta jolas sexual hutsetatik hasita, afektibitatezko harreman bateraino heltzen dira. Gazteak unibertsitate-giroa erabat galtzen du, etxekoekiko lokarria ere etenda geratzen dela. Baina liburuak kezka batzu sortzen ditu, amodiozko harremanak dakartzan arantzak eta ulertu-ezinak alegia. Emakumea goxo goxo iharduten da gure gaztearekin, baina segituan zapuztu egiten zaio; gazteak ere baditu bere arazoak emakumea tratatzerako orduan, ez du asmatzen. Gozoro bizi da gaztea amets betean, maitasunaren koxkak, espak, esklusibitate-ezak eta urguilu-jokoak ezagutzen dituen arte. Maitalea burges-girokoa izaki, froga sozial aspergarri anitz gainditu beharko du gazteak, zanpaturik senditu arteraino. Guzti honen erdian era guztietako gertaera ohizkoak tartekatzen zaizkigu. Hitzaurrean dioen bezala, sakontasunik gehiegi gabeko liburua den arren, zalantza batzu uzten ditu airean, erantzun errazik gabeko itaunak. Akzio guttiko nobela dugu Laura Urubururen aurreneko hau, denbora guztian antzeko gauzak gertatzen dira.

Bizkaiera batuz idatzirik, bi ordu terdiz irakur daitekeena, batek baino gehiagok gustora irakurriko du, izan ere, bizkaieraz dagoen arren, gutxi dira beste probintzietako irakurleek ulertuko ez dituzten hitzak, eta gainera, zer arraio, bada garaia gipuzkoarrak eta gainerako euskaldunak lexiko bizkaitarraz jabetzeko.

Azken kritikak

Nola esaten zaio agur ama bati
Uxue Razkin

Peru Iparragirre

Mari-alderrai
Colette

Aritz Galarraga

Erreplika
Maialen Berasategi Catalan

Ibon Egaña

Hegal egiten
Eneko Bidegain

Mikel Asurmendi

Sorbatza
Markel Sanchez

Asier Urkiza

Dakigun hori
Garazi Arrula Ruiz

Nagore Fernandez

Ipuinak eta antzezlanak
Lourdes Iriondo

Amaia Alvarez Uria

Ezezagunak trenean... irakurtzen
Miren Billelabeitia

Paloma Rodriguez-Miñambres

Dakigun hori
Garazi Arrula Ruiz

Mikel Asurmendi

Narrugorrik
Ixiar Rozas

Peru Iparragirre

Lera
Castillo Suarez

Maialen Sobrino Lopez

Hezitopia
Nora Salbotx

Joxe Aldasoro

Atzerakarga
Fermin Etxegoien

Asier Urkiza

Manifestu filosofikoa
Agustin Arrieta Urtizberea

Aritz Pardina Herrero

Artxiboa

2026(e)ko azaroa

2026(e)ko urria

2026(e)ko iraila

2026(e)ko abuztua

2026(e)ko uztaila

2026(e)ko ekaina

2026(e)ko maiatza

2026(e)ko apirila

2026(e)ko martxoa

2026(e)ko otsaila

2026(e)ko urtarrila

2026(e)ko

Hedabideak