susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Miranderen lan kritikoa | Derrotaren fabulak »

Amets bizia / Eukene Martin Sanpedro / Susa, 1986

Amets bizia Iñaki Camino / Argia, 1986-07-06

Bi nobela idatzi ditu Eukene Martinek ez denbora askoan, bi urteko kontuan sartzen baitira biak.

Bigarren honetan, ametsaren bideetan oinarrituta hasieran, kontzientzi korrontea aprobetxatuz, irudiek eta garai bateko gertaerek gogora dakarkiotena atxakiatzat harturik bestelako egoeretara iraganik. Lanbide diferenteen aurkezpenak, gaztetako lehen sexu-ziztada harako ganbaran zelangoa izan zuen Marisa protagonistak, soineko bakoitzak bere bizitzan jokatu duen papera nola gogoraerazten dion, bere senar eta lagun izango den Mikelekiko harreman frustraziozkoak, ideologia desberdinen txokea, jaio zen baserrira jira, usain zaharren berraurkitzea, ama xamurraren xarma, monjen eskola estriktoa (euskal literaturan aurrenekoz halakorik, gizonen mundukoak ugari baziren ere). Bi lagunen arteko gertakizunak lagun bakoitzak aurkezten ditu nobelan, ikuspuntuen talka bilatuz. Azkenean, gizaseme ziur eta gogorraren mito-hausketa topiko eta sakontasun gabekora garamatza idazleak, neskak mutilarengan ikusten duena eta mutila bera zein diferente diren erakutsiz.

Guri, nobelan bi protagonisten artean sortzen den talka azalekoa iduritu zaigu.