susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Itsas izar bat zen | Babiecaren hotzikarak »

Amodioz eta gorrotoz / Karlos Santiesteban / Haranburu editorea, 1986

Amodioz eta gorrotoz Iñaki Camino / Argia, 1986-04-27

Amodioa dugu poesi-liburu honetako gai nagusi. Egileak landua du aurretik ere gai bera prosaren munduan. Holderlin eta Novalis erromantikoen zitek hasten dituzte liburuko atalak. Gaua eta amoranteak, bakea eta usoa, ahoak hurbil, gerria oratzea, zakila dastatzea, maitearen gorputza, zirria, bularrak ukitzearen odol-berotzea, antsiak eta amodioarekin lotura duten gainontzeko guztiak ageri dira liburu honetan.

Ideak, gutxi batzu ez beste, zaharrak dira, konbentzionalak, erabiliaren erabiliaz estereotipatuak, gogo pixka bat jarri eta gaian sartu ezkero gustora irakur daitezkeenak, baina borondatea jarri behar horretarako. Guri zenbait idea ingenuoak iruditu zaizkigu, amodioak gehiagorako ematen duela edo.