susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Ataño ipui zaharrekin bueltaka | Beldur naiz »

Mugarrien garraioan / Rafa Egiguren / Susa, 1986

Mugarrien garraioan Iñaki Camino / Argia, 1986-02-16

Ez da Rafa Egigurenen lehen poesi-liburua, lehendik ere badu gehiago. Irakurketaren ondoren, hauek dira esatekoak: oso liburu motza dela, apenas dauzkala 32 bat olerki. Gaiaren aldetik, ispilu eta pelotarienganako grina erakutsi duela poetak, berauek baitira makina olerkitan azaltzen diren konstanteak. Zenbaitetan poesia hotz eta mentalaren aldeko apustua egiten du idazleak, adimenezko saio bilakatzeraino. Jakina da poesiak ere badituela bere mugak, baita edozer gauza izan daitekeela poesia, baina ez dago hain garbi edozein gauza argitara eman daitekeenik. Rafa Egigurenen azken lan hau poesiari asko nahi dion jendearentzat dela iruditzen zait, irakurle asko ez baitu beteko, ni bete ez nauen bezala. Dena den, azkeneko partean ageri diren olerkiek besteek baino gehiago merezi dute.