susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Izkiriaturik aurkitu ditudan ene poemak | Lehen Urbian »

Bileterik gabe / Jon Mikel Arano / Susa, 1985

Bileterik gabe Iñaki Camino / Argia, 1986-01-19

Berriz ere poeta baten aurreneko poema-bilduma kaleratu digu Susak bere ohiturari jarraiki. Halakoetan poeta gazteek liburu finak eta olerkiz bakan kaleratzen dituzte, baina Aranok olerki asko biltzen dituen liburua egin digu. Esan dezagun baita ere, olerki guztiak erdibideko edo neurri ttikikoak direla.

Ez da erraza Jon Mikel Aranoren poesia, olerki bat baino gehiago surrealismoaren bidean doala iruditu zait, poesia iluna, eta hori dela ta, asko pentsatzea eskatzen duena. Poesia bakoitza bi aldiz irakurri eta pentsatu ia zer adierazi nahi digun egileak. Askotan jabetuko gara bere asmoaz, baina beste batzuetan zalantzan geratuko gara, edo ni behintzat hala geratu naiz. Hitzen segidetan anarkiaz baliatzen da poeta, esanahiak saltaka doaz, sintaxia lehertu egiten da, ideia batzuren printzak botatzen ditu idazleak, iduri dutelarik ez direla bukatu, erdi esplikaturik geratu direla. Beste hatzuetan, ez dago hainbeste arazorik ulertzeko, hauetan, gertaera soil batek olerkia idarokitzen dio idazleari, eta poesia horren errealitatea hurbilago sentitzen dugu. Onena adibideren bat ematea litzateleen arren, hobe Jon Mikel Aranoren poesian sartzea bere printz ilun horiez jabetzeko.