susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Zoo ilogikoa | Volskwagen zaharregia agian »

Behin bitan / Imanol Zurutuza / Elkar, 1985

Behin bitan Iñaki Camino / Argia, 1985-12-29

Imanol Zurutuza usurbildarraren aurreneko liburua dugu honako hau, ipuin bilduma bera. Bertaz bederatzi ipui motz kaleratu ditu. Hasteko, pertsonaia traumatikoak hautatu ditu. Aurrenekoan adibidez, ama galdu duen laguna duen neska ageri zaigu, osaba Isidro gerran galduko duena. Bigarrenik, bizitza osoa gutun bidez gorpuzten duen bikote maitalea dugu, hamar urte zituztela aldendu eta larogeitaka urteak arte harremanak gutun bidez gorde dituztelarik. Hirugarrena gizon gerritik behera elbarri baten ipuia dugu, bere elbarritasuna gozatzeko arratsaldero neska gazte pianistaren konpañia duenarena. Laugarrenik, saxofoia jotzen duen baten eta denbora luzeak urrutian pasaizen dituen beste baten alkarrekiko harremanak ditugu. Bata mozkorra, bestea etsipenaren sareetan eroria berrogei urteetarako, biak itsas-bazterrean pasian ibiltzea maite dutenak. Hurrengo bostak ere motzak ditugu. Bata ijitu kontuak aitatzen dituena, bestea, Biblian oinarritutako testua, bestea, maitale hiltzailearena, azkenaurrekoa bere lanak berak traizionatua den idazlearena eta atzena filosofikoa.