susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« …Julia dinotsut | Beteluko balnearioko mirakulua »

Aurora / Eñaut Etxamendi / Maiatz, 1985

Aurora Iñaki Camino / Argia, 1985-12-08

Azken hiruzpalau urteotan gogotik idazten, argitaratzen bai bederen, ari zaigun idazlea dugu Etxamendi ezterenzubiarra. Orain arteko hamar Maiatz-etan, zortzi narrazio labur paregabe eskeini dizkigu estilorik barnekoi eta goxoenean. Halakoa dugu, bai gaiaren nahiz idaztankeraren aldetik, oraintsu liburu modura kaleratu duen “Aurora” hau.

Besteetan bezala, haur kantu eta istorioz mamitzen da afera. Gaztezutu ez arras zoriontsuan, naturaren deskubritzea eta inoiz ikusi gabeko paraje xoragarrien ezagupena nahasten dira gaztearen bizitzan. Baxe-Nafarroa mugatzen duten zedarriez gain aurkituko du bere bihotza beteko duen Aurora. Mistizismo giroko maitasun lainotuek gaztea burtxoratu eta nahastu egiten dute sexu grinak ere galantak diren garaian. Denbora aitzinera doa eta gazteak ez du bere bihotzeko Aurora ikusten ahal. Gaitz baten luzamenduak Aurora gabe utziko du gure gaztea.

Hizkuntzaren aldetik, lexiko zailtasunak edirenen ditu hegoaldeko irakurleak, Etxamendiren hizkera iparraldekoa izateaz gain lokalista baita. Bada liburu honetan amentserako biderik, eta zinez diogu Etxamendi irakurtzea gozamenetik oso hurbil dagoen gauza dela.