susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Ipuin antzeko alegi mingotsak | Emea »

Ez sinkronia / Gorka Setien / Susa, 1985

Ez sinkronia Iñaki Camino / Argia, 1985-07-28

Gorka Setien poeta ezaguna da askorentzat, baina beste askorentzat ez. Ezaguna izateko ezinbestekoa dirudi liburua kaleratzeak, eta Gorkak ere luzaz itxoin eta gero berea atera du.

Poema ugari dugu liburu honetan. Bost olerki sorta dira, aurrena luzeena: “Betea dardartia, hutsa” du izena. Poemetan gai asko ukitzen da, baina antzematen da azaletik behinepein badirela gai nagusi batzu: negarra, gorputz eta aurpegiaren keinu adierazgarriak, tristura, sendimendu itzaliek sortzen duten pena eta pesimismo giro orokorra. Aurreneko zati honetako poesia hitzean oinarritzen da, oso maiz sintaxia oso aintzat hartu gabe. Badira bestalde hitzen lotura lojikagabeak, giro poetiko sakonean irakurri beharrekoak. Ez da oso erraza ulertzen aurreneko zati hau.

“Asfaltoko lurrin” sailak 7 olerki biltzen ditu, formaz lehengoak baino sinpleagoak direnak, baina gaiaren aldetik hari berekoak.

“Oinen aztarna lokatzetan” saila motza da, baina kategoriakoa, gizakiaren harremanetarako oztopoak, harridura bizia sortzen duten hitz poesiz beteen bidez adierazten dituena, liburua gailurrera daraman poesi saila. Liburuko azken olerkietan ikusi uste izan ditugu irudi eta, idearik lortuenak.

Olerki trinkoz betetako liburu honetan badira kalidade nabarmenekoak […] tsatuak direla, idea bat baino gehiago biltzen dutenak eta maiz irakurleari ulertzea kostako zaizkionak.