susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Ez sinkronia | Hadrianoren oroitzapenak »

Ipuin antzeko alegi mingotsak / Mikel Zarate / Labayru, 1985

Ipuin antzeko alegi mingotsak Iñaki Camino / Argia, 1985-07-14

10 bat urte dira Mikel Zaratek ipui bilduma batekin Resurrección Maria Azkue ipui saria jaso zuela. Gero ipui hauek beste batzurekin argitaratu egin zituen. Gaurko hau laugarrena da. Kontutan izan behar da Gero argitaletxean euskara batuz atera zirela ipui hauek “Ipui antzeko” izenpean. Labayrukoek berriz atera nahi izan dute Mikel Zarateren lan famatu hau, berak hasieran idatzi bezala, bizkaieraz.

Aipatzekoa da Mikelen alegietan ohiturazko animaliak ageri baldin badira ere, herritasun handiko ipuiak dauzkala, tradiziozko alegia egungo arazoei aplikatuz. Alegia hauetan nagusiki aipatzen diren gaiak hiru dira, politika, euskara eta baita giza-gaiak ere.

Hizkeraren aldetik hizkera herrikoia eta literatur landua lotzeko zuen doaia aipatzen da beti. Bere esaeren bizitasuna, Kirikiñoren eskolakua horretan, maiz izan da aitatua. Antzerki tekniken saioak ere badira bere ipuietan, dramatizaziorako joera handikoak baitira hauek.

Ez dago esaterik Labayruk euskal literaturari eta bereziki bizkaieraz idatzitakoari dagion mesedea zenbaterainokoa den, gure idazleak erro errotik ezagutzeak dituen hobariak asko dira ta. Gogoratu ere, Jon Kortazarrek baduela Mikel Zarateren prosaren gainean liburu bat argitaratua.