« Historia destilatuak | Nafarroako artizarra »

Ene Jainko-Eidol zaharra, lur! / Jon Mirande / Elkar, 1984

Ene Jainko-Eidol zaharra Iñaki Kamino / Argia, 1984-12-09

Mirandek han hemenka barreiaturik zeuzkan olerki guztien bilduma egin nahi izan dute Elkarrekoek. Edizioa Xabier Olarrak egina da. Berak esan bezala ia olerki guztiak biltzen ditu liburu honek. Olerki gehienak lehen ere argitaraturik dauden arren, badira ere argitaragabeak. Jakina denez iturri joriena “Orhoituz” liburua da, eta ondoren “Euzko Gogoa” aldizkaria eta besteren bat. Banaketa gutxi gora behera Mirandek egindakoaren antzekoa da. Hasieran, Mirandek berak aukeratutako 24 olerki dira, hitzaurre eta guzti. Olerki gehiago datoz gero. 13 zehazki, argitaraldi honen prestatzaileak ordenatuak, eta azkenik olerki mailara helduko ez liratekeen bi saioxka. Itzulitako kantu eta olerkien zerrenda dator gero, eta ez bakarrik itzulitakoak, baita moldatutakoak ere. 7 dira kantuak eta 13 olerkiak. Bukaeran hiru olerkiri eginiko eraskinak datoz. Prestatzaileak baneatu du bestalde Bidasoaz bestaldekooi primeran etorriko zaigun hiztegi laburra olerki bakoitzean.