kritiken hemeroteka

8.068 kritika

Azken kritikak

« | »

Harri eta herri / Gabriel Aresti / Itxaropena, 1964

Harri eta herri (Kritika batzuren kritika) Gabriel Aresti / Zeruko Argia, 1964-07-19

Nik, orain artean, nire eskribu guztiak firmatzeko ohitura izan dut; beraz zuri bidaltzeko atsegintasuna dadukadan gutun hau nire izen propioekin firmatua doa.

Zure aldizkariaren azken lumero batean, kritika bat dator, izenik gabe, nire “Harri eta Herri” liburuaren gainean. Nire iritzia da, eskritore batek liburu bat argitara ateratzen duenean, kritikari sometitu behar zaiola. Eta kritika horri sometitzen natzaio. Baina mesedez, kritikalaria nor den esan dakidala. Bestela, onerako edo txarrerako, kritika horrek eztu balio.

Baina oso akort nago kritika horrekin, naiz-eta nire liburuaren gainean gauza haundirik esaten ezpadu ere. Baina gauza batzuk daude, munduko borondaterik haundiena eduki arren, gizona mintzen dutenak. Zergatik, nola atrebituko da inor nire liburua madarikatzera? Nola eraman liteke epai-mai batera? Hau eztut onartzen. Nire liburua poesi-liburu bat da, eta alde horretatik juzgatu behar da; haren baloreak, haren bertute edo akats poetikoak seinalatu behar dira, eta ez besterik. Gainerakoa juzgatzera ausartuko denak, gogora ekar bitza Jesukristo gure Jaunaren hitzak: “Juzgatuak izan nahi ezpaduzue, etzazue juzga”. Beraz, zuhurtasunaren izenean, eskerrak eman nahi dizkiot zuen kritikalari zorrotzari, madarikatu nahi eznauelako. Nork eman dion eztakidan eskubide batez baliatu nahi izan eztelako. Hala baitirudi, gizon horrek ni madarikatzeko edo benedikatzeko eskubidearen jabea dela. Erromako Aita Santua balitz, sikeran ere…

Baina beste bat dago, ni madarikatzeko eskubidea hartzen duena, nun eta zuen errebistan gainera, bertan baitator artikulu labur bat, Santurtziko sakristau batek firmatua, nire liburuan nik biraoak esaten ditudala diona. Esku artean hartu nuen liburua, eta apaiz batengana jo nuen. Liburua puntatik ondoragino aztertu genduen, eta… bertan biraorik eztagoela. Beraz, bekatu hori eztut aitortuko, eztut konfesatuko. Baina Juan Anjel Etxebarriak bere bekatua aitortu behar du, gure Elizamaren altzoan iraun nahi badu: Juan Anjel Etxebarriak kalumniaren bekatua kometitu baitu. Hori, bekatu hori, publikoki kometitu zuen, eta beraz publikoki aitortu behar du. Hala agintzen du Eliza Santuak. Baina Juan Anjelek eztu holakorik eginen. Orain bere autobiografia bat eskribitzen hasi da, izenburu oso apropos batekin: “Arro eta Ero”. Bere harrotasuna honela probatuko du: Publikoki kometitutako bekatua, justutzat emanen du, eta mila argudio bilatuko ditu; bekatu bat aitortzeko, humildadea eduki behar baita.

Bigarrena, bere erotasuna, Mondragoeko zora-etxean probatu zuen.

Gaurko kritika labur hau amaitzera noa. Bilboko Mikel Arrutza eta Egia jaunak poema txiki bat atera du lagun artean, hain urri delako, niri irri eragiten didana. Baina haren gainean eztut ezer esanen, Mikel Arrutza jaunaren izenaz akordatu ere nahi eztudalako.

Azken kritikak

Keinura itzuli
Elena Olave

Irati Majuelo

Poema liburu bat ---irakurtzeko jarraibideak---
Angel Erro

Maddi Galdos Areta

Ipuina engainua da
Iban Zaldua

Aitor Francos

Isildutako eskuak
Jon Abril

Aitor Francos

Atsoa
Victor Catala

Nagore Fernandez

Erretzaile damutuen konpainia
Aingeru Epaltza

Asier Urkiza

Borrokalari transgeneroak
Leslie Feinberg

Amaia Alvarez Uria

Berriz zentauro
Katixa Agirre

Ibon Egaña

Amatu
Maite Lopez Las Heras

Mikel Asurmendi

Berriz zentauro
Katixa Agirre

Irati Majuelo

Kale gorriko umeak
Pier Paolo Pasolini

Ibai Atutxa Ordeñana

Berriz zentauro
Katixa Agirre

Jon Martin-Etxebeste

Azken etxea
Arantxa Urretabizkaia

Mikel Asurmendi

Hamahiru ipuin
Luisa Carnes

Asier Urkiza

Artxiboa

2022(e)ko abendua

2022(e)ko azaroa

2022(e)ko urria

2022(e)ko iraila

2022(e)ko uztaila

2022(e)ko ekaina

2022(e)ko maiatza

2022(e)ko apirila

2022(e)ko martxoa

2022(e)ko otsaila

2022(e)ko urtarrila

2021(e)ko abendua

Hedabideak