susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Iraganaz | Joxean Muñozen bisita »

Hontzaren eguna / Loenardo Sciascia (Koldo Biguri) / Ibaizabal, 1991

Sicilia sinestezina Karlos Zabala / Euskaldunon Egunkaria, 1992-04-24

Bi tiro, eta ilun jantzitako gizona erori zen geldiro. Bellodi karabineroen kapitainak ikerkelei eta itaunketei ekin zien eta pixkana-pixkanaka, hari xume bati tiraka, oso mataza korapilatsua askatzen hasi da. Ezkutuko lotura asko agerian gelditzen dira. Ezkutukoegiak beharbada.

Bilbea nobela beltzarena da, irazkia, aldiz, Siciliako bizimoduaren konplexutasunarena: eguneroko arazoak; harreman ikustezinak; sentimendu zaharrak, sakon errotuak, kontrajarriak; poliziaren ezina; ustelkeria.

Saiakerarako gaia izan liteke, baina narrazio gisa aurkezten digu Sciasciak bere herriaren muina, Sicilia sinestezinaren bizitza. Ageriko zenbait gertaeren azpiak azaltzearekin batera, ordea, sinestezina Sicilia eta Italia ezik, mundu osoa ere badela gogoratzen zaigu, horrelakoak, edo antzekoak, nonahi gertatzen bait dira.