« Pro libertate patria | Samurtasunaren zelaian »

Lurraren indarra / Askoren artean (Mitxel Sarasketa) / Susa, 1991

Dozena erdi suzko gezi bezala Benigno Arruti / Euskaldunon Egunkaria, 1992-03-07

Otsoarekin dantzan egiten zuen harek arrasta handiz barreiatu zituen Ipar Amerikako indioen pasadizu lazgarriak. Hala ere, kritikarik entzun behar izan zuen, azken finean, edo zuri batek kontatu eta bizi izandako indio istorioa zelako. Sarasketak, ordea, jaso eta itzuli egin ditu egungo idazle indioek beraiek kontatu eta esaten dituztenak. Elizabeth Cook-Lynn-en bi ipuin eta Anna L. Walters, L. Hogan, Leslie Marmon Silko eta Ralph Salisburyren kontakizun banarekin egindako bildumak zuzen zuzeneko berria ematen digu. Gainera, Pablo Sastrek moldatu duen aitzin solasa argigarriaren ostean, bost idazle hauen sei ipuinek ez gaituzte ezustean harrapatu. Lumadun gerraria marine bihurtu dute, tipiak bizitza anitz dituzten dorreak dira eta alkohola leinuaren nagusi. Zuriak zuri eta indioak hijodeperrak. Arbasoen kontatzeko erraztasuna baduten idazle indiook ingelesez idazten dute. Hala ere, beren, sustraiak eta kultura ez dituzte ahaztu; ipuinetako pertsonaien bizi kontraesanetan bezala. Idazle indioak dira eta zuriek behin ere kontatuko ez dutena kontatzen dute ederki. (Salbuespena Antzaren Waka-Ho izan zitekeen, Cook-en Magpie bezalako poeta zen gerraria, alegia).