kritiken hemeroteka

7.500 kritika

Azken kritikak

« | »

Euskararen historia txikia Donostian (1800-1998) / Koldo Izagirre / Susa, 1998

Historia atsegina Felipe Juaristi / El Diario Vasco, 1999-01-23

Irudipena izan dut, donostiarrak ezagutu ahala, minostuta sentitu izan direla, Gipuzkoako beste euskaldunen aldean bederen, urte askotan. Akonplejatu samarturik bizi izan direlakoan nago, kapitalean bizi izateak argitzen ez zuen euskaldun gutxiespen-konpleju batez ukituak alegia. Beren euskara itsusitzat ere hartzen zutela nabaritu izan dut, behin baino gehiagotan. Seguruaski ez dira beren historiaz jabetu izan.

Koldo Izagirrek liburu atsegin bezain interesgarria idatzi du. Ez da liburu luze handi orrialde askokoa. Laburra da, argazkiz hornituta dago eta, gehiago esan, arina da. Arintasunak ez du, hemen, azalekoa esan nahi, irakurterreza baizik. Egileak sarrerako testuan dioenez, uste baino luzeago atera zitzaion lana halabeharrez. Horrek ere ez du esan nahi, honako hau datu askotariko liburua denik. Datuak badaude, zehatzak gainera, baina liburuan funtsa ez dago datuetan, egileak idazterakoan duen etaidatzitakoari ezarri dion ikuspegian baizik.

Datu-multzoa bera baino garrantzitsuagoak iruditzen zaizkit hor hemenka liburuan ageri diren anekdotak, giro eta garai bat islatzeko aproposagoak baitira, datu hotzak baino. Anekdotak baliagarriagoak dira, gainera, datuak baino. Anekdotek ironiarako aukera ematen dute, eta, errosario moduan elkarturik, literatura itxura hartzen dute.

Donostiako euskararen historia kuriosoa da. Aitortu behar dut, harritu egin nauela neurri batean. Egunero ikusten ditudan hainbat kale eta leku-izenak nolabaiteko lekukotza gordetzen dutela jakiteak bezainbeste. Donostiako euskararen historiak, gainera, ederki laburbiltzen ditu gure hizkuntzak gure probintzian izan dituen gora-behera guztiak.

Azken kritikak

Kapitalismoa eta emakumeen aurkako indarkeria
Silvia Federici

Irati Majuelo

Txipiroiak bere beltzean
Rafa Egiguren

Hasier Rekondo

Zendabalitz
Erika Elizari

Javier Rojo

Etxera bidean
Xamar

Mikel Asurmendi

Miñan
Amets Arzallus Antia

Mikel Asurmendi

Zendabalitz
Erika Elizari

Aiora Sampedro

Isiltasun urte luzeak
Francisco Castro

Joannes Jauregi

Bertsoaren harria
Koldo Izagirre

Mikel Asurmendi

Karanbola hirukoitza
Eneritz Artetxe

Amaia Alvarez Uria

Bilduma bat
Sandro Penna

Irati Majuelo

Bilduma bat
Sandro Penna

Igor Estankona

Etxeak eta hilobiak
Bernardo Atxaga

Javier Rojo

Aitaren etxea
Karmele Jaio

Mikel Asurmendi

Izurria
Albert Camus

Txema Arinas

Artxiboa

Martxoa 2020

Otsaila 2020

Urtarrila 2020

Abendua 2019

Azaroa 2019

Urria 2019

Iraila 2019

Abuztua 2019

Uztaila 2019

Ekaina 2019

Maiatza 2019

Apirila 2019

Hedabideak