susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Ipuin luze eta ederra | Iraungo duten ipuinak »

Haur eta gazte literatura / Xabier Etxaniz / Pamiela, 1997

Haur literaturaz Javier Rojo / El Correo, 1998-02-18

Xabier Etxaniz idazle ezaguna da haur literaturaren munduan, genero honetako liburuak idazten buru belarri aritzen baita aspaldian. Orain, ordea, liburua ez dagokio genero honi, gaia alde batera utzi ez duen arren. Izan ere, lan honetan Xabier Etxaniz haur eta gazte literaturaren generoa mugatzen saiatu da. Hasiera batean idazlanetan oinarritu da eta lan horiek nondik datozen aztertzen du. Haur eta gazteentzat bereziki idatzitako idazlanak, haurrek berenganatu dituztenak eta folklorea: hauexek dira Etxanizek seinalatzen dituen jatorriak. Baina hemen ikerketak bere ekarpen behinena ematen digu, harreraren estetikan oinarritu delarik. Idazlanak berak hain desberdinak direlarik, lan horiek irakurtzean literatura bihurtu dituzten haurrei zuzendu die begirada eta honek haurren ezaugarriak aztertzera darama. Puntu honetan, teoria guztiak azaldu beharrak piskat aztora dezake gai honetaz gauza handirik ez dakien irakurlea, nahiz-eta eskertzekoa den idazleak bere saiakera irakurgarri eta entretenigarria izateko egiten duen ahalegina. Gauzak honela, haur literatura zer den baino, zer izan behar den aztertuko du batez ere. Dudarik gabe, gaiari heltzeko hartu duen ikuspuntu berri honetan du liburu honek bere baliorik handiena.