susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Portuetako kronikak | Idazketa eta lurraldea »

Arthur erregearen egintzak. 2 Lancelot / John Steinbeck / Igela, 1997

Zaldun aspertuak Javier Rojo / El Correo, 1998-03-18

John Steinbeck-ek Malory-ren istorioak gaurko irakurlegoari egokitzeko asmoarekin edo ekin zion Arthur erregearen egintzak liburua idazteari. Orain, “Merlin” izeneko lehenengo liburukiaren ondoren, Lancelot-i dagokion bigarrena agertu zaigu euskaraz, Joseba Urteagaren itzulpenean. Bigarren liburuki hau batez ere Lancelot-i buruzkoa den arren, Gawain, Ewain eta Marhalt zaldunen istorioak ere kontatzen dira. Abentura eleberritzat hartu daiteke liburu hau, Mahai Borobileko zaldun ezagunak leku batetik bestera ohorearen izenean borroka egiten ikusten baititugu orrialde horietan zehar. Baina, gaiak epikoa badirudi ere, ikuspuntuak ilusio hori hausten du oso: zaldun noble ustezkoak harroputzak, zenbaitetan lelo xamarrak, askotan txikikeria zentzugabeez keztatuak baitira. Benetako heroiak izan nahi lukete, baina horrelako heroien garaia pasatu dela ematen du. Steinbeck-ek Malory-ren istorioak gaurko irakurleei egokitu omen zizkien, baina hau egitean parodia egin zuen, bere heroiak Manchako zaldunaren lehengusu txikiak besterik ez baitziren. Liburua errez irakurtzen da (ez dirudi itzulpena denik) eta guztiz aholkugarria iruditzen zait. Gainera, Steinbeck bezalako idazle bat beti aukera segurua da liburu bat hautatzerakoan.