« Bidaiatzeko mapa | Anarkistak eta gu »

Euskal haur eta gazte literaturaren historia / Xabier Etxaniz / Pamiela, 1997

Ikerketa zabala Javier Rojo / El Correo, 1998-09-02

Gauza jakina da euskal liburuen produkzioan haurrei zuzendutako lanen garrantzia, hain handia, agi denez, non Euskal Herrikoak ez diren zenbait argitaletxek ere haurrentzako euskal liburuak argitaratzen hasi baitira. Horrexegatik, lanaren tamainagatik alegia, harrigarria da Xabier Etxanizek Euskal haur eta gazte literaturaren historia honetan burutu duen lana. Produkzio osoa, aztertu nahi izan du, lehenengo idazlanetatik hasita oraintsu arte, jatorrizko liburu eta argitalpenak, erdal idazlanen euskal itzulpenak eta itzulita egon gabe orokorrean garrantzitsutzat hartu ohi diren erdal lanak kontuan hartu dituelarik. Ikerketa hau burutzeko, hiru garaitan banatu du produkzio hori (hasieratik 1940.era arte; 1940.etik 1980.era arte; 1980.etik 1996.era arte). Lehenengo bietan kronologia izan da liburuak aztertzeko ardatza. Azken zatia generoen eta gaien arabera ikertu du eta egituratuago dago. Gaiari hurbiltzeko oinarrizko lana iruditu zait (eta egia esan, oinarrizkoa baino areago), kontsulta liburu moduan ere oso erabilgarria, aurkibide eta taula egokiek horretan laguntzen dutelarik. Lan honekin, eta idazle beraren Haur eta gazte literatura liburu teorikoarekin irakurleak badu non bilatu gai honi buruzko informazioa.