susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Kantu galduaren bila | Amodioak, gorrotoak eta beste kontu batzuk »

Mendebaldea eta narraziogintza / Iñaki Aldekoa / Erein, 1998

Narraziogintzaz Javier Rojo / El Correo, 1999-10-13

Iñaki Aldekoak azken urte hauetan euskaraz sortu eta argitaratu den narraziogintzaren azterketa zabala egin digu Mendebaldea eta narraziogintza izeneko saiakera liburu honetan. Hiru atal ditu, hiru saiakera desberdin, baina helburu berberera jotzen dutenak: kondagintza modernoaren eraiketa. Lehenengoan Txillardegiren nobeletan hasita, azken berrogei urteotako euskal nobelagintza nola bilakatu den azaltzen zaigu, ikuspegi orokorra emanez. Bigarrenean gure artean dauden idazlerik garrantzitsuenetako hiru (Lertxundi, Atxaga eta Saizarbitoria) mintzagai ditu, haien eleberri bana sakon eta zehatz aztertuz. Hirugarren atalean, liburuari izena ematen dion atalean hain zuzen, eleberriak alde batera utzi, eta Sarrionaindiaren eta Atxagaren bestelako narrazioez arituko zaigu. Azken urte hauetako euskal kondagintza mundu modernoa islatzeko tresna egokia bilakatzeko lehian dabil, modernitatera hurbiltzeko ahaleginean. Zentzu honetan ulertu behar da izenburuan aipatzen den mendebalde hori. Geografi kontzeptua barik, modernitatea gertatzen deneko esparruaren irudia osatzen du; besteren batek aipatutako hiri demokratikoa, alegia. Euskal literatura hobeto ezgutzeko eta, bide batez, zenbait topikotatik aldentzeko liburu bikaina da saiakera hau.