susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Buztina zirimolaren aurka | Memoriaren lanak »

Atlantidara biajia / Jokin Muñoz / Alberdania, 2000

Ametsezko herria Javier Rojo / El Correo, 2000-06-21

Bidaia liburuaren itxurapean datorkigu Jokin Muñoz-ek idatzitako Atlantidara biajia. Amonaren etxea bisitatzeko, narratzaileak Nafarroako hegoaldean zehar egiten du bide, Castejonera. Bidaia, bestaldetik, ironia puntu batekin, oinez egiten du, behinolako bidailariek bezala, paisaiak eta pertsonak hobeto deskribatzeko. Lau egun dirauen ibilaldi honen kronika dugu idazlana, eta desertuaren itxura daukan paisaia eta honen osagaia dirudien jendea deskribatu arren, kronika hau beste gauza batzuetarako abiapuntua da. Izan ere, liburuan Euskal Herriaz eta honen egoeraz mintzo da eta, batez ere, Nafarroako hegoalde honetan, batzuen ametsean baino existitzen ez duen Euskal Herri idealizatuaren eta benetakoaren artean dagoen aldeaz. Ze ondoriotara hel daiteke irakurlea interpretazioa gehiegi behartu gabe? Batzuek ikusi nahi ez badute ere, errealitatea oso kaskagogorra dela eta bere aurpegia aurkezten duela behin eta berriro, ametsaren eta errealitatearen arteko aldea begi bistan jarriz. Gauzak diren bezalakoak direnez, herri-ameslari horiek pentsatu beharko lukete ea jendeak ametsezko herri horretan sinesten duen. Itxura xume baten azpian hausnarketarako gonbitea luzatu digu idazleak liburu labur baina interesgarri honetan.