susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Kronikak irudikatuz | Kolorezko egunaren bila »

Arrotza / Albert Camus (Xabier Galarreta) / Hiria Liburuak, 2000

Bizitza hutsa Javier Rojo / El Correo, 2000-09-30

XX. mendeko literaturaren eleberririk garrantzitsuenetakoa da Albert Camus-en Arrotza, orain euskaraz Xabier Galarretaren itzulpenean datorkiguna. Eleberri batek gutxitan islatu du, itxuraz hain era sinplean, XX. mendean giza-izaerak erakusten dituen gorabeherak. Izan ere, Arrotza izaera horren eredua da. Inongoa ez den pertsonaia bat, errorik gabekoa dugu protagonista. Non ere baita, beti kanpotar sentitzen du bere burua. Egoera honetan protagonistak zentzurik gabeko hilketa bat burutzen du. Argumentu honetan oinarritu da idazlea arroztasunaren benetako esanahia erakusteko, zeren eta kanpoko egoeraren arroztasun horrek beste arroztasun baten aurrean jartzen baikaitu. Pertsona izatea bizitzan arrotza izatea da, mundu ulertezin batean inolako babesik gabe jaurtikia izatea. Gauzak honela, gizakientzat izugarrizko sufrimendua suposatzen du kontzientzia izateak, zeren kontzientzia horrek begibistan jartzen baitio bizitzaren hustasuna. Zer bilatzen du beraz protagonistak bere bizitzan? Helburu traszendenterik ezean, atsedena da bizitzak eskain diezaiokeen gauzarik hoberena… Arrotza-k hau guztia erakusten digu, ia-ia eleberri beltzaren erritmoarekin. Inolako dudarik gabe, irakurri beharreko liburua.