kritiken hemeroteka

7.045 kritika

Azken kritikak

« | »

Gauzen presentzia / Pablo Sastre / Elkar, 2007

Gauzen soziologia Igor Estankona / Deia, 2007-07-06

Elkar argitaletxearen “Eztabaida” sailerako gauzen soziologia idatzi du Pablo Sastrek. Gauzen historia labur bat da, baina objektuek gutaz diotena aztertzen du, eta beraz badauka halako kutsu soziologiko bat. Etxebizitza, altzariak, tresneria, apaingarriak, autoa… daukaguna da garenaren neurria, hori argi dago. Pablo Sastrek historian zehar pilatu ditugun ondasunen azterketa egiten du. Ikuskatu egiten digu, ez gorputza, ezpada inguruko guztia. Gure pertenentziak aztertuz erradiografia egiten saiatu da.

Mundura zati laburtxo baterako baino ez gara etorri, eta ez dago ostera lurrazalean animaliarik guk beste gauza pilatzen duenik, guk beste gastatu eta erabiltzen duenik. Energia-xahutze hori, era berean, gizateriaren zahartzaroa ere bada: gauzen esklabo bihurtu gara konturatu barik. Denboraren truke —lanean ematen dugun denbora esklabuaren truke— gauzak erostea bihurtu da gure helburu behinena, haiek itzuliko digutelakoan aspaldi galdu genuen iparra.

“Erabili eta bota” egiten den garaiotan, ez dago txarto gogoratzea kontsumoaren historia zein izan den. Asmakizunak nondik datozen, zein klase sozialek bultzatu zituen, zein ondorio izan zuten, eta oraindik garrantzitsuagoa dena azaleratzen da liburu honetan: ze erabilpen eman diegun guk, norainoko garrantzia, zenbaterainoko atxikipena dugun eurenganako. Gauza ederren artean egiten dogu bidea, baina baita zabor artean ere. Sastegi erraldoia elikatuz, gu geu ere lurperatuz goaz.

Nire buruari galdetu diot halako batean, noiztik ez dudan zeozer materiala sortu, dendakoak beste balioko didana. Noiz egin ote nuen azken tresna nire esku hutsekin? Urritz zuriko makila bat, Gorbeiara igotzeko? Ziri bat, loka dagoen mahaiarentzat? “Gauzen presentzia” interesgarria, zirraragarria, bikaina da, pentsarazi egiten duelako. Arrazoibide ideologiko landuena baino askoz eraginkorragoa da lan hau, hain entretenigarri eta aberatsa. Egizu aproba zeuk ere. Bestela bagiratuko duzu liburuaren papera bera. Gauzen presentzia igartzen hasiko zara. Gauzei ez zaie izpirituaren zati handiegia eskaini behar, zurrupatu egin baitezakete gu garen gizaki biluza.

Azken kritikak

Gaur galtzea tokatzen da
Gotzon Hermosilla

Javier Rojo

Erreka haizea
Sonia González

Aiora Sampedro

Bakartasunaz bi hitz
Filipe Bidart

Aritz Galarraga

Pelegrinak
J.E. Urrutia Capeau

Hasier Rekondo

Errukiaren saria
Iñaki Irazu

Alex Uriarte Atxikallende

Mendi-joak
Aingeru Epaltza

Estibalitz Ezkerra

Zauri Bolodia
Oier Guillan

Mikel Asurmendi

Zuloa
Xabier Gantzarain

Peru Iparragirre

Mendi-joak
Aingeru Epaltza

Ibon Egaña

Ahotsak eta itzalak
Maixa Zugasti

Javier Rojo

Gerra txikia
Lander Garro

Roberto Moso

Girgileri Anderea
Maialen Hegi-Luku

Amaia Alvarez Uria

Etsaiak, lagunak, ezkongaiak, maitaleak, senar-emazteak
Alice Munro

Joannes Jauregi

Epailea eta haren borreroa
Friedrich Dürrenmatt

Aiora Sampedro

Artxiboa

Ekaina 2018

Maiatza 2018

Apirila 2018

Martxoa 2018

Otsaila 2018

Urtarrila 2018

Abendua 2017

Azaroa 2017

Urria 2017

Iraila 2017

Abuztua 2017

Uztaila 2017

Hedabideak