susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Mikrohistoria | Une gozoak igaro ditut »

Ero hiria / Javi Cillero / Alberdania, 2006

Ero hiria Ibon Egaña / Berria, 2007-01-10

Xabier Montoiak Euskal Hiria sutan-en ardaztutako narrazio-bilduma argitaratu duen urte berean, Cillerok Reno hautatu du narrazio bilduma berriaren kokaleku. Mikrokosmos bat, atmosfera berezi bat sortzen asmatu du Cillerok, Reno hiriak (basamortu erdian dagoen hiria) eta urte sasoiak (milurteko berriaren ataria) ezaugarritua. Baina hiriak eta denborak atmosfera markatzen duten arren, pertsonaiak dira egiazko protagonistak, haien nahi eta ezinak, haien segurtasun ezak, harat-honatak. Renoz ari den arren, XXI. mendeko gizon-emakumeek bizi duten errealitate zalantzatia bikain islatzen dute Cilleroren narrazioek, pertsonaien barne-muinetan sartuz. Errealitatea eta fikzioa (batez ere zinema), edo egiazkoa eta simulakroa nahasten diren gizartearen argazki zuhurra da Cillerorena.