« Ezinezko harremana | Mendebaldar zoomak eta travellingak »
Bestiarioa. Hilerrikoiak / Karlos Linazasoro / Elkar, 2006
Bestiarioa. Hilerrikoiak Iker Zaldua / Noticias de Gipuzkoa, 2006-10-07
Karlos Linazasorok Liburutegi batean lan egiten duen idazle baten kezkak azaleratzen dira paragrafoz paragrafo. Urte betez lana alde batera utzi eta idaztera behartzen du bere burua protagonistak, zortzi hilabete pasa dira jadanik eta oraindik ez du saiorik egin, ez du idazteko astirik aurkitu, aitzakiak baina, agortzen ari dira eta hilabeteen joanak ere zapaldu egiten dute, bere ganbaran idazten jartzean, sabaia unez une behera etorriko bailitzan, egunero zentimetro pare bat jaitsiko bailitzan, presioa jasanezinagoa zaio eta beharra, derrigortasuna, betebeharra letra larriz sartzen zaio garunean. Idazlea da, berak badaki idazle dela, edo kanpoan idazletzat hartzen dutela, liburuzaina izan arren, etiketak hori dio, “idazlea zara” eta bestela bere emazteak gogorarazten dio tonu ironikoz.
Idaztearen ezina, literatura ezin egiteaz, literaturaz ari da Karlos Linazasoro. Nobela autobiografikotzat har genezake, bere buruari ere erreferentzia egiten baitio eta gainera ezin ahaztu Bestiarioa, Hilerrikoiak idatzi duen hau, liburutegi batean ari dela lanean egun, beraz, loturak izaera gardena du inondik ere. Idazleaz barre egiten du, bere buruaz barre egiten du eta karikatura bat marrazten du euskal alfabetoaren letrak kolore bihurtuz.
Azkenean protagonistak azken lau hilabete horietan bi nobela osatzea lortzen du, idaztearen plazerraren akuilua ustelduta, akuilu puntadunak sastatzen dizkio eskuak, beharrak eramaten du bi nobela laburrak idaztera, protagonistak, Karlos Linazasoro bailitzan Bestiarioa, eta Hilerrikoak izenak aukeratzen dituelarik, Elkar argitaletxeak kaleratu duen liburu xume eta ederra bailitzan.
Gizon barregarriak
Joxean Agirre
Asier Urkiza
Barbaro iraun
Louisa Yousfi
Amaia Alvarez Uria
Izotz ura
Lide Hernando Muñoz
Aiora Sampedro
Palestinaren okupazioaz eta kolonizazioaz
Perry Anderson
Irati Majuelo
Itzulerak
Miren Agur Meabe
Aiora Sampedro
...eta gauetik, euria
Fertxu Izquierdo
Jon Jimenez
Carvalho Euskadin
Jon Alonso
Asier Urkiza
Hitzak palmondo
Silvia Federici
Nagore Fernandez
Altxa, hildakoak
Fred Vargas
Ainhoa Aldazabal Gallastegui
Alderdi komunistaren manifestua
Karl Marx / Friedrich Engels
Aritz Galarraga
Maitasun kapitala
Karmele Jaio
Mikel Asurmendi
Larrosa bat Groenlandian
Iban Garro
Paloma Rodriguez-Miñambres
Jausiz
Alain Mendizabal Diaz
Maddi Galdos Areta
Hiriak eta urteak
Xabier Montoia
Irati Majuelo