susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Tradizioagatik, topa! | Historia, agertokira! »

Agosti Chahoren kantutegia / Agosti Xaho / Susa, 2006

Kantu zaharrak Javier Rojo / El Correo, 2006-09-20

Patri Urkizuren eskutik “Agosti Chahoren kantutegia” izeneko liburua datorkigu. Bertan biltzen dira XIX. mendeko idazle zuberotarrak bildutako kantuak, hor zehar argitaratutakoak eta “Chants populaires de la Navarre et de les Provinces Basques” izenburuko bilduman argitaratzeko zituenak, baina egitasmoan geratu zirenak. Patri Urkizuk kantu hauek guztiak bildu, oharrez hornitu eta hitzaurrea jarri die irakurleen gozamenerako. Ziur aski Agosti Xaho (horrelaxe idatzi ohi da bere deitura gaur egun) Euskal Herrian egon den benetako erromantiko bakanetakoa izango da. Idazlea, politikan aritua, konspiratzailea, iheslaria… batzuetan bere bizitzak ídazgintzan burututako lana estaltzen du, bere bizitzako lanik inportanteena bere bizitza bera izan balitz bezala. Euskal jatorrietara jo nahi izan zuen, eta arazoak izan zituenean jatorri horietara heltzeko, hor eduki zuen beti irudimena laguntzeko prest, Aitorren legendarekin bezala. Liburu honetan kantu ezagunak biltzen dira, argitarapen bat baino gehiago izan dutenak. Edonola ere, liburua aukera berria da horrelako testuetara itzultzeko, batzuetan horrelako erromantze eta baladetan euskal poesiarik hoberena aurkitzen baita.