susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Thriller bat | Amaren eskuak »

Lauburu. Pirinioetako kontakizunak / Askoren artean / Euskal Idazleen Elkartea, 2006

Mendi topaketak Javier Rojo / El Correo, 2006-08-23

Antza denez, Pirinioetako topaketak tradizio bihurtzen ari dira Euskal Herriko eta Kataluniako idazleen artean. Honetan Nafarroako Pirinioetan elkartu ziren idazleak 2005ean, eta aurrekoetan bezala, topaketa horiek abiapuntu zituztela, kontakizunez osatutako liburua argitaratu du Euskal Idazleen Elkarteak, “Lauburu. Pirinioetako kontakizunak” izenburuarekin. Bertan euskal eta katalan idazleek idatzitako hamaika narrazio agertzen dira. Euskal idazleak ez dira ezagunenak, edozein idazlanekin arrakasta handia lortu ohi duten horietakoak, baina horrexek berak ematen dio balioa liburuari, euskal narraziogintzaren egoeraren lekukotasuna eskaintzen du eta. Bestaldetik, narrazioak muga batzuen barruan idatzita daudela esan daiteke, eta horietako garrantzitsuena, idazleen topaketak egin zireneko tokia (Xareta bailara) agertu beharra.