kritiken hemeroteka

7.325 kritika

Azken kritikak

« | »

Ecce homo / Laura Mintegi / Txalaparta, 2006

Ezkerra eta eskuina, gure izanaren oreka Mikel Asurmendi / Irunero, 2006-05

Beste behin ere, hizpide ekarri dudan liburuaren azalak lagunduko digu berau ulertzen. Laura Mintegi dugu egilea, Ecce homo du izena. Horra hor gizakia! —edo pertsona!—. Azal beltzean kafe katilu bat. Azalean ez da pertsonarik ageri, baina Bego eta Jose —bi protagonista nagusiak— kafe, kafesne edo ebaki baten inguruan imajinatu ditzakegu, eleberrian barna bide egiteko.

Liburuaren funtsaren inpresioa aurrerago emanen dut, mintzo nadin formaren gainean abiaburuan. Liburua berezia da eraikuntza aldetik. Bi egitura antolatu ditu Laura Mintegik bere asmoa taiutu eta gauzatzeko. Hasteko, pertsonaien pentsamendua aldika eman ditu, bi zutabetan eman ere, paragrafo apurtutan emana, bat ezkerrera eta beste eskuinera paratuta. Bego ezkerretik eta Jose eskuinean. Lehen, bigarren eta hirugarren atalak halakoak dira, laugarren eta bosgarrena, berriz, beste protagonistekin batera Begok eta Josek bizi duten istorioa harilkatu du idazleak.

Formaren aldetik bitxia dela esango nuke, bitxia baino lagungarria eta emankorra. Emaztearen —Begoren— pentsamendua liburuan ezkerretik dator, dator diot, mugimenduan, eta bizitzan eta politikan ere halaxe datorrela eta halaxe delakoan nago: progresistagoa, aurrerazaleagoa. Eskuinean dago gizonarena —Jose—, dago diot, egonean beti, gaur gaurkoz gorago dagoena ere, egonago baitago. Iraun, boterearen lema.

Nik horren laburrean azaldu nahi dudana baino konplikatuagoa da Laura Mintegik adierazi nahi diguna, jakina. Izan emakume izan gizon nola jokatzen dugun jarduera publikoan aztertu eta kontatu digu egileak. Buruaren eskuinaren edo ezkerraren eraginez, genetikaren edo heziketaren eraginez, ezberdinak gara gizon-emazteak.

Izaera ezberdinekoak esan nahi dut, ez eskubide ezberdinak dagozkigula. Gizonok arrazoian oinarritzen dugu gure jarrera eta jokamoldeak, emakumeek senean gehiago. Badira “gizon emakume direnak” eta alderantziz ere, alabaina. Senaz ari naiz. Arrazoia, gaur egun, sena baino xahutegia edota agortuegia den aldetik, sena gailendu beharko ote litzateke arrazoiarekiko, guztion onerako?

Istorioa ez da liburuaren garrantzizkoena, garrantzizkoena emakume eta gizonaren arteko hartu-emanetan oreka lortzea da. Tira hori da liburuari iradoki diodan inpresioetako bat. Politikaz eta maskulinitateaz idatzia izanagatik, feminitateak ere badu munta liburuan. Gaurko munduan dagoen gai nagusia dela esango nuke, iraultza inon ematen ari bada, emakume eta gizonaren arteko harremanen esparruan ari baita, nire uste xumean.

Liburuak, eleberria gisa plazaratua baina saiakeratik asko duenak, beharrezko den iraultza horren bide eta berri ematen dizu. Benetan, behin irakurria dut eta berriz ere irakurriko dudan behar eta desioz diotsut. Kafe baten inguruan edo kaferik gabean, liburura hurbiltzeko nire gomendioa duzu irakurle lagun hori.

Azken kritikak

Kontrako eztarritik
Uxue Alberdi

Sustrai Colina

Jamaikako neska
Joxemari Iturralde

Javier Rojo

Mari-mutil handi baten bluesa
Leslie Feinberg

Onintza Irureta Azkune

Idazleen gorputzak
Eider Rodriguez

Javier Rojo

Oroimenaren xaflakortasunaz
Paloma Rodriguez Miñambres

Javier Rojo

Urtaroak eta zeinuak
Jon Gerediaga

Igor Estankona

Maitasun keinu bat besterik ez
Hasier Arraiz

Iratxe Esparza

Hezurren erretura
Miren Agur Meabe

Hasier Rekondo

Deklaratzekorik ez
Beñat Sarasola

Javier Rojo

Mundutik mundua
Edu Zelaieta

Javier Rojo

Hezurren erretura
Miren Agur Meabe

Amaia Alvarez Uria

Iraganaren izterrak
Gorka Salces Alcalde

Igor Estankona

Jamaikako neska
Joxemari Iturralde

Estibalitz Ezkerra

Iraganaren izterrak
Gorka Salces Alcalde

Javier Rojo

Artxiboa

Abuztua 2019

Uztaila 2019

Ekaina 2019

Maiatza 2019

Apirila 2019

Martxoa 2019

Otsaila 2019

Urtarrila 2019

Abendua 2018

Azaroa 2018

Urria 2018

Iraila 2018

Hedabideak