kritiken hemeroteka

8.602 kritika

« | »

Odolean neraman / Joan Mari Irigoien / Elkar, 2004

Gainbehera Felipe Juaristi / El Diario Vasco, 2005-02-18

Joan Mari Irigoien altzatarraren liburu hau, uste dut, gazteentzat dela, helduentzat bainoago, eta, beraz, beste sail batean behar luke. Egia ere bada, gazteentzat ateratako liburu asko, gazte-sailetako asko eta asko, ez direla bereziki gateentzat, helduentzat baizik, eta ez batzuk ez besteak ez egonik bakoitzak behar lukeen tokian, euskal literaturak gero eta eroetxearen antz handiagoa hartu du: diren guztiak ez daude, eta dauden guztiak ez dira; aspaldiko txiste kaxkar bat erabiliz.

Futbolari baten istorioa kontatzen du Irigoienek. Gurasoak futbol zale eta taberna baten jabeak, gainera; burua gehiegi nekatzeke Altzatzat har daitekeen auzo batean. Gurasoak futbol zale eta amona Sinforosa ere bai. (Esan dezadan bide nabar benetako hitza dela Sinforosa, duela gutxi irakurri nuen eskela batean haren izena: goian bego.) Amonak garrantzia handia dauka historian, berak zaletzen baitu mutila, errealzaletzen, egia esan, errealki zaletzen Errealarekin. Mutila txikitatik hasten da futbolean jokatzen, La Salleko taldean lehendabizi, gero auzoko taldean eta poliki-poliki profesional izatera heltzen da, baita Espainiako Selekzioan jokatzera ere. Mundua oinpean duelarik, hasten da ordea haren gainbehera: emakumeak alde batetik eta gaur egun bazter guztietan dagoen droga bestetik. Amaiera pentsatzekoa da. Mutilak lortzen du bere onera iristea, eta haren bizitza aldatu egingo da.

Umorez kontatuta dago; berez, umoretsua ez den bizitza; baina jakina da, umoreak dena aldatzen du, bai ikuspegia eta baita ikuspuntua ere. Eta Irigoienek irakaspen morala eskaintzen du, denontzako. Dena ez dela munduan arrakasta, horrek ere bere ordaina duela, eta hobe dela bestelako bizimodua, arrakastaren loretan sudurra sartu gabe.

Azken kritikak

Azken batean
Lourdes Oñederra

Mikel Asurmendi

Auzokinak
Gorka Erostarbe

Maddi Galdos Areta

Esker onak
Delphine De Vigan

Irati Majuelo

Meditazioneak gei premiatsuen gainean...
Martin Duhalde

Gorka Bereziartua Mitxelena

Urte urdin ihesak
Jesus Mari Olaizola "Txiliku"

Hasier Rekondo

Emakume oinutsa
Scholastique Mukasonga

Maialen Sobrino Lopez

Erroen izerdia
Jone Bordato

Nagore Fernandez

Azken batean
Lourdes Oñederra

Asier Urkiza

Izena eta izana
Jon Gerediaga

Jon Martin-Etxebeste

Enarak
Bernardo Atxaga

Mikel Asurmendi

Zahartzaroaren maparen bila
Arantxa Urretabizkaia

Irati Majuelo

Herioa Venezian
Thomas Mann

Aritz Galarraga

Azken batean
Lourdes Oñederra

Ibon Egaña

Goizuetako folkloreaz
Patziku Perurena

Mikel Asurmendi

Artxiboa

2025(e)ko azaroa

2025(e)ko urria

2025(e)ko iraila

2025(e)ko abuztua

2025(e)ko uztaila

2025(e)ko ekaina

2025(e)ko maiatza

2025(e)ko apirila

2025(e)ko martxoa

2025(e)ko otsaila

2025(e)ko urtarrila

2024(e)ko abendua

Hedabideak