susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Erromantiko ezigaitza | Kantutegi »

Zirkulua / Andoni Urzelai / Erein, 2004

Intriga politikoa Javier Rojo / El Correo, 2004-09-15

Harrigarria da azken urten hauetan euskal literaturaren munduan zeinen handia bihurtzen ari den hedabideen eragina. Idazle askok hedabideetan dute beren jatorria, eta hedabideen mundua islatuta agertzen da literaturan. Bi ezaugarri hauek markatzen dute Andoni Urzelairen “Zirkulua” izeneko nobela hau. Onerako zein txarrerako. Thriller politikoa egin nahi izan du idazleak, ETArekin behin betiko amaitzeko antolatutako operazio sekretu bat baita nobelaren ardatza, non hedabideen eraginak berebiziko garrantzia baitu. Alde hontatik intrigazko nobelekin gertatu ohi den bezala, argumentua erakargarria da eta irakurleak nobela irentsi dezake hurrengo orrialdean zer gertatuko den irrikan. Azaleko interes honek, ordea, badu bere ifrentzua, argumentua sakon aztertzen bada. Zeren operazio sekretu hori nahasiegia, xelebreegia baita benetan halakorik sinesteko; Rocambole jaunaren neurriko operazioa, alegia. Bestaldetik ezin uka idazleak erraztasun handia duela idaztean, baina honen trukean estilo asmo handirik gabe idatzitako liburu laua eskaintzen du. Euskal literaturan kontsumoko literatura arrunta, interesgarria baina ez oso sakona, bilatzen duenarantzat liburu egokia izan daiteke. Eta azken finean hori egitea izan da egilearen asmoa.