« Argia isurian | Enpresa zen existentzia »

Palestina Hotela / Joseba Iriondo / Elea, 2003

Kazetariaren gerra Javier Rojo / El Correo, 2004-04-14

Urte bat bete da Irakeko gerra hasi denetik, eta ofizialki gerra hura hasi eta hiruzpalau astera amaitu bazen ere, ez dirudi, ez, hango egoera asko baretu denik. Momento egokia izan daiteke gerra hartan gertatutakoak gogoratzeko. Eta halaxe egiten du Joseba Iriondo ETBko kazetariak “Palestina hotela” izeneko hburu honetan. Gerra hasi baino lehenago gertatutakoaz zenbait datu interesgarri azaldu ondoren, Joseba Iriondok gerra garaian Estatu Batuetako tropak Bagdaden sartu arte Iraken bizi izandakoaren berri ematen du. Eta ezin dugu idazleak eskaintzen duen ikuspuntua ahaztu, kazetariak ez baïtigu gerrari buruzko kronika osoa egiten, ez baitigu kontatzen zer nolako gorabeherak egon ziren Iraken edota munduan gerra bitartean. Berak bizi izandako gerra kontatzen du, eta liburuak ematen duen impresioaren arabera, gerra horretaz gutxien zekitenak Bagdaden geratutakoak izan ziren. Sarraskiekin batera, informatzeko zailtasunak eta gezurrak dira liburu honetan gehien aipatzen direnak. Ikuspuntu hau gerra horretaz informatuta egon nahi duenarentzat ziur aski nahiko murritza izango da. Baina horren truke beste gauza bat jasoko du irakurleak: kazetariaren errealitatea, kazetaria kontalari hutsa baino gehiago baita.