susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Oroimenaren teatroak | Pentsamendu txikia »

Lorategi beldurgarriak / Michel Quint (Josu Zabaleta) / Erein, 2003

Oroimena lekuko Javier Rojo / El Correo, 2004-01-21

Michel Quint, Frantziako idazle arrakastatsuaren “Lorategi beldurgarriak” izeneko nobela laburra agertu da, Josu Zabaletaren itzulpenean. Istorio honetan narratzaileak, bere oroimenani bidea irekita, kontatzen digu nola bizi zen lotsatuta bere aitaren jokaera bitxiagatik; izan ere, bere aita pailazoz mozorrotu ohi zen eta semeari jokaera hori ulertezina iruditu, harik eta jokaera horren zergatiaz jabetzen den arte. Momentu horretan aitaren jokaera lotsagarri hura beste begi batzuekin ikusten hasiko da. Oroimenaren plazaratze bikoitzaren aurrean gaude liburu honetan. Alde batetik, pertsonaiak bere oroimenean oinarritzen du kontakizuna; baina bestaldetik, ia oharkabean, konturatuko gara bere oroimena ezin bana daitekeela bere aurrekoen oroimenetik, Frantzian Bigarren Mundu Gerran nazien jazarpena pairatu zutenen oroimenetik, oroimena, norberarena eta aurrekoena, bat bakarra baita, eta ezinbestekoa. Liburuaren balioa ez da arlo testimonial honetara mugatzen. Oroimenaren plazaratze bikoitzak kontamolde bikoitza eskatzen du, itzulpenean ere nabarmentzen den bezala. Istorio hunkigarria, gihartsua, barregarria eta krudela, interesik handienarekin irakurtzen den horietakoa da liburu honetan eskaintzen zaiguna.