kritiken hemeroteka

8.288 kritika

« | »

Bilduma bat / Sandro Penna (Iñigo Astiz) / Farmazia Beltza, 2019

Memento penniano Jose Luis Padron / Bilbao, 2020-01

Garaipenna izeneko poeman, penna bi n-rekin hitz joko eginez Garaipenaren eta Poetaren artean, Sandro Penna poetaren testu bat irakurtzen irudikatzen du Iñigo Astizek bere burua, maitasunari eta gorputzaren gozamenari buruzko liburu bat irakurtzen hain justu haren lagun guztiak beren logeletan beren maiteñoekin daudenean, eta bera sofan bakarrik liburua irakurtzen. Memento pennianoa bizi izan zuen.

Poema berezia da, ez bakarrik Pennaren poesiaren gako nagusiak gardentasuna eta erotismoa direlako, baizik eta poeta italiarraren unibertso poetikoa artista-liburua izatera iritsi denaren hazia dagoelako bertan.

Izan ere, aspalditik datorkio Pennaganako zaletasuna Astizi; denbora da haren poesia sakon irakurtzen hasi zela, liburu bakoitzari bere denbora eskaintzen, haren poemekin bueltaka. Eta prozesu luze baten ondoren etorri zaizkigu poema horiek liburu zaindu eta polit batean, euskaraz eta Damaris Pan-ek sortutako margolanez hornituta.

Iñigo Astiz kazetari poetak eta Damaris Pan artistak Bilduma bat. Sandro Penna artista-liburua osatu dute, Farmazia Beltza eta Efi argitaletxeen babesarekin. Sandro Penna poeta garaikidea da, XX. mendekoa. Bazterreko poeta zen, baina denborak goian jarri du. “Ezin sakonagoa, unibertso ezin itxiagoan” hala definitzen zuen egilea kritikari batek. Adituek amodioaren poetatzat aurkeztu ohi dute Sandro Penna. Haren poemak, gehienak dira gai bakarrari buruz: sentsualtasuna, bere gai nagusia hori da, gose sentsual hori, ez hainbeste sexuala, baizik eta gozamenaren mundu hori, etengabe horretan dago. Ospatzen duen guztia, bere mundu txiki-txiki horretatik egiten du, atentzio ematen du etxeko leiko txikienetik nola ikusten duen unibertsoa.

Oso indartsu, oso labur. Oso hiztegi txikia, xumea eta estua darabil Sandro Pennak, eta liluragarria da irakurri ahal izatea 300 bat hitz horiekin zer iristen den esatera, hain gutxirekin zenbat esaten duen.

Bilduma bat. Sandro Penna ez da bakarrik poema eta arte liburu bat. Alex Gurrutxagak hitzaurrean idazten duenaren harira, memento penniano bat da mundu zorabiagarri honen erdian, une bat hartzea eta ematea antsietatearen eta abiaduraren zurrunbiloan. Urtea ondo asteko modua.

Azken kritikak

Gizon barregarriak
Joxean Agirre

Asier Urkiza

Barbaro iraun
Louisa Yousfi

Amaia Alvarez Uria

Izotz ura
Lide Hernando Muñoz

Aiora Sampedro

Palestinaren okupazioaz eta kolonizazioaz
Perry Anderson

Irati Majuelo

Itzulerak
Miren Agur Meabe

Aiora Sampedro

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak