susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« “Uskeriak” | Jolasak »

Gabon gau bat ta beste ipui asko / Alfonso Maria Zabala / Auspoa, 1962

Gabon gau bat ta beste ipui asko Luis Mitxelena / Egan, 1962

Auspoak sorberritzen dituen atzoko idazleak ez dira denak berdin agertzen gaurko irakurlearen begietan, eta horrelaxe behar ere, nahita ez. Batzuek hurbilago ikusten ditugu gugandik eta beste batzuek urrutiago.

Nik ez dut, egia esan, halako atseginik aurkitu liburu honetan bilduak dauden irakurgaiak irakurtzean. Eta aurkitu dudana ere uste ez nuen bidetik aurkitu dut, haurtzaroan aditu nituen zenbait ipuiren iturburua orrialde hauetan ikasi dudanean.

Zabala jauna, beharbada, ez zen idazle izugarria, baina gizona, arraioa, bere aldiko, bere biziko eta bere beteko gizona izan genuen. Eta argitaratzaileak lau arrasto larriz itxuratzen digun Zabala gizonaren irudiak soil-soilik ez du esku-hutsik utziko liburuaren eroslea.

Horrezaz gainera, nolabaiteko gustoak dituztenentzat, eta ni ere horietakoa nauzue, badaude hemen zenbait, pasadizo polit, Zeamako izkean moldatuak.