kritiken hemeroteka

6.959 kritika

Azken kritikak

« | »

Egarri egunak portualdean / Koldo Izagirre / Susa, 2011

Azeituna proletario bat Juan Ramon Makuso / El Diario Vasco, 2012-04-06

Ezin da ukatu, egarria, gosea, askatasuna, garai berriak amestea, abestea, besarkatzea, gizon-emakumeen artean irudikatzea. Erreferentziak, anitzak dira; han-hemenka dabiltza, irakurri, entzun, barneratu egiten ditugu. Emaitzak ez dira hain argiak izaten. Gazteak biluzik, kaiaren beste aldean begitantzen dira, langileen antolakuntza, komiteak, asanbladak, pankartak, musika, polizia eta hau guztia eleberri batean kontatzen du Koldo Izagirrek, Egarri egunak portualdean. Ez dago ezustekorik Izagirreren planteamenduan, kontakizun hau azkeneko bere lanen segida baita. Izagirrek nobela hasiera bihurri batekin hasten du, eta ariketak esperimentu bat exijitzen dio irakurlearen aulkiari, txokoari, ibilbideari, egonaldi deseroso bat oparituz. Izagirrek ez du begiratu bide bazterrera, bere begirada itsasoaren limitearen beste aldean kokatzen du, infinitu literario bat eraikiz.

Kondaira XX. mendeko azkeneko hamarkadako Errenteria-Pasaia herri gipuzkoarretan kokatuta dago, eta garaiko gertakizun, pasadizo, ia-ia kronika bihurtu ditu, behintzat nire bizipen propioak aurrez aurre jarri zaizkit nobela irakurtzerakoan. Halako karga sentimentala agertzen du liburu kronikak niretzat, non bertan, protagonisten izenek errealitatekoekin nahasten ditut, ni neu bertan nagoelarik. Pasadizo bat bada liburuan agian idazlearen rola, Izagirrerena, agerian uzten duena: “Bizi izan ez dituzuen gauza askori buruz idazten duzue intelektualok”. Hurbileko kontuek balio baldin badute giza harremanen unibertsaltasuna agerian uzteko, Izagirreren ahalegina bikaina dela esatera ausartzen naiz. Gaur, hogei eta hamabost urte ondoren, Errenteriako eliz ataria gurutzatzerakoan, 1977ko asanblada ikusten dut.

Azken kritikak

Mundu ikuskerak euskal narratiba garaikidean: modernitatearen krisitik postidentitatearen promesera
Gorka Mercero

Mikel Asurmendi

Biennale
Beatriz Chivite

Peru Iparragirre

Mina edo libertatea!
Kepa Larrea

Javier Rojo

Hodien metafisika
Amelie Nothomb

Amaia Alvarez Uria

Nora goaz euskalduntasun honekin?
Joxe Manuel Odriozola

Joannes Jauregi

Gaizki ulertua
Irene Nemirovski

Aiora Sampedro

Hitzontziak
Xabier Montoia

Iratxe Esparza

Poesia kaiera
Rosalia de Castro

Igor Estankona

Mendi-joak
Aingeru Epaltza

Javier Rojo

Mendi-joak
Aingeru Epaltza

Peru Iparragirre

Gerezi denbora
Inazio Mujika Iraola

Amaia Serrano Mariezkurrena

Eoskola. Heziketa hipermodernoa
Mitxelko Uranga

Javier Rojo

Txoriak dira bederatzi
Tere Irastortza

Aitor Francos

Haizeari begira
Jon Ariza de Miguel

Usoa Alberdi Fernández

Artxiboa

Otsaila 2018

Urtarrila 2018

Abendua 2017

Azaroa 2017

Urria 2017

Iraila 2017

Abuztua 2017

Uztaila 2017

Ekaina 2017

Maiatza 2017

Apirila 2017

Martxoa 2017

Hedabideak