kritiken hemeroteka

7.001 kritika

Azken kritikak

« | »

Gaur orain da betiko / Karlos Linazasoro / Erein, 2010

Ezpainetako musuak Juan Ramon Makuso / El Diario Vasco, 2011-01-21

Karlos Linazasoro idazleak erregistro asko dituela esatea, bere ibilbide literarioa ikusi eta gero, ez da ekarpen handia, baina berriro ere esan behar dugu beste koska bat eman diola bere uztari. Linazasorok Gaur orain da betiko poema liburuan erakusten digu bere hirurogeita hamar poemekin —poema bakoitzak bere zenbakia darama—, oraingoan ere nahi izan duela ekarpen bat egin. Maitasuna da gai bakarra poema liburuan, beraz maitasunezko poesia baten aurrean gaude, eta hau, ariketa moduan, lehenik eta behin esan beharra dago, ariketa zaila dela, arrisku bat dakarrelako, betekada baten aurrean erortzeko arriskua. Linazasoro ez da erori amildegi horretatik, nahiz eta badituen hainbat hitz errepikariak direnak, kasu, “kuttun”, “ttiki”, “matte”, poemen bertsoei ez dietenak inolako ekarpenik ematen. Linazasoro saiatu da liburu honetan bere nitasunetik, irakurlea harrapatzen; bere poemek erritmoa dute, hitzak ongi harilkatuak daude, kantu letra baten antzera, “Arrosa eta isiltasuna dauzkat / zuretzat, eta txori bat mihian, / egun berriaren poz berria / agintzen diguna, kantari”. Karlos Linazasororen maitasun proposamen hau, poesiaz maitatzeko ahalegin bat dela dirudi, aitzakia dela maitasuna; poetak maitasunaren inguruan egiten duen proposamena baino, hartzailea poesiaz maitemindu dadin dela iruditzen zaigu bere azken helburua, “Zure gorputza / bat-batean / erretiratu egiten da, / azpikoz gora eta isilik. / Begira gelditzen natzaio / utzi duzun hutsuneari. / Eta hortxe, / utzi duzun dardaran, / argia jaiotzen da. / Argi zuri-zuria”. Poetak erakusten du zer aurkitua badagoela hain gai klasikoan, hainbeste landua izan den gaia edozein poeten eskutik. Baina hau maitasunez egin du.

Azken kritikak

Zaldi mamarroa
Ekaitz Goienetxea

Aiora Sampedro

Badena dena da
Patxi Zabaleta

Amaia Serrano Mariezkurrena

Neska bat leku inposiblean
Xabier Amuriza

Estibalitz Ezkerra

Poesia kaiera
Alfonsina Storni

Alex Uriarte

L.A.A.
Maixa Zugasti

Ibon Egaña

Duchampen inguma
Eric Dicharry

Javier Rojo

Biennale
Beatriz Chivite

Igor Estankona

Demokraziaren pribatizazioa
Jule Goikoetxea

Peru Iparragirre

Azala erre
Danele Sarriugarte

Javier Rojo

6012
Karlos Linazasoro

Aiora Sampedro

Filiala
Sergei Dovlatov

Joannes Jauregi

Zaldi mamarroa
Ekaitz Goienetxea

Iratxe Esparza

Bihotz handiegia
Eider Rodriguez

Hasier Rekondo

Pelegrinak
J.E. Urrutia Capeau

Javier Rojo

Artxiboa

Apirila 2018

Martxoa 2018

Otsaila 2018

Urtarrila 2018

Abendua 2017

Azaroa 2017

Urria 2017

Iraila 2017

Abuztua 2017

Uztaila 2017

Ekaina 2017

Maiatza 2017

Hedabideak