Olerki eta idatzi guztiak / Loramendi / Itxaropena, 1960

Olerki eta idatzi guztiak Kaiero / Jakin, 1961

Zorionean erori da nire eskuetan liburu zoragarri au. Loramendi-ren olerkiak, orain arte sakabanaturik zebiltzanak, bilduma eder batean eman dizkigu Yurre’tar Julian Abak. Loramendi olerkariaz ez dago zer esanik. Oraindik berri baiditugu aren jaioterrian egin zitzaizkion gorasarrea ta orduko lanak, batez ere Jauregi’ren saritua. Eta argitaldi oneri buruz berriz ez dugu eskerrak eman baizik. Alegia, bilduma osatu duenari. Gaztediari begira egindakoa da, oarretan aberats eta ugaria. Zail xamarra egingo bailitzaiguke bestela Loramendi’ren olerkietako euskerara oitugabeoi. Ta obeto dago alaxen, erderazko itzulpena alboan ezarriaz baino, bai. Alperkeriari ateak itxi zaizkio. Bedoña’tar Joakin “Loramendi”-ren olerkiak on asko egingo dute gazteon eta guztion artean, ezpairik gabe. Ba-dugu nun ikasia bai euskeraren aldetik, bai bere olerti frantziskotarretik ere.

Idazkiak azalean “Olerkiak” izena daramalarik argitaratu da; baiña ba-ditu itz lauz eginiko lantxo batzuek ere, izenburu osoak adierazten digun bezala. Itz lauz daudenak ere olerti dira, beraz. Yurre Abaren Aurreitz mamitsu batek azaltzen dizkigu erabilli dituen idazki ta kriterioak xeetasun guztiz. Orixe andiaren itz labur batzuek irikitzen dlute libururako atea.

Azken orduan esan zituen itz aiek bete dezaizkigula orain an goitik Loramendi aingeruak: “Zerura noa… zerutik lagunduko dizuet zuei… euskerari… Euskalerriari”. Ta bukatzeko, milla esker gaztedi euskalzalearen eta olerki maitaleen izenean Yurre’tar Julian Abari.