« Bakardadea | Benetako poeta baten lanak »
Marasmus femeninus / Patziku Perurena / Elkar, 1993
Aipatzeko gogorik gabe Itxaro Borda / Argia, 1994-04-17
Aipatzeko gogorik gabe irakurtzen ditugun liburuak ere badira Euskal Herrian, ez pentsa, herri hau, zenbaitek diotenaren salatzeko, oso normala baita. Iritzi frangotako idazkiak argitaratzen dira eta hautua egin dezakegu. Iritzia mihiperatu zaigu, baina gaurkoan, boterean daudenen eta hauen mutil diren idazleen iritzi azkarrenak beti ahulenaren kontra bideratuak direla ohartzen gara. Hori berdin normalitate baten seinale izan daiteke.
Orain arte gustatu ez zaizkigun edo guretako interesik gabeko liburuetarik ihes egin dugu, gainerako obra argigarri aski baita lerrootara ekartzeko. Egun ordea, “Marasmus femeninus” hura eskuartean dugula, ez dugu dirudienez eskapatzerik eta hain irresponsableki daramagun bizitza honetan, erresponsabilitate zenbaiten hartzea komeni zaigu.
Azken denbora hauetan harrigarri da euskararen Euskal Herri Libre amestuaren —irriz ari dira ainitz baina tanpis— aurka erabiltzeko dagoen joera. Sektarismoetarik aldentzeko aitzakiaz asmamena bera —oi ze ahulezia— debekatu nahi digute, idazle eta irakurle bezala. Gure uste apalean —hain apala dagoeneko— ez dezakegu euskara lurraren zirikatzeko erabil, are gutiago euskal lur honen jendetzaren erdia baino gehiago moldatzen duen emakumearen entearen mespretxatzeko bideen irekitzeko. Aldi honetan, nola iragan mendeko apezen literatura bortitzaren eta hertsiaren kasuan, ez gaitu euskararen aberastasunak eta euskararen aberastasun erranaren gerizapean geratzen den fazismo kutsuak itsutu behar.
Berlingo horma eroriz geroztik haizea itzulikatzen ari da eta kultur ekoizleek ahanzten dute beti ere borrokatzekoa dena estadoetarik jasaiten dugun zapalkuntza dela, ez eta jende xeheak irauteko eta aske irauteko egiten duen indar xumea.
That is done eta kitto.
Airemortuak
Gorka Salces Alcalde
Maddi Galdos Areta
Mundu zitalaren kontra
Lizar Begoña
Asier Urkiza
Izotz ura
Lide Hernando Muñoz
Nagore Fernandez
Airemortuak
Gorka Salces Alcalde
Paloma Rodriguez-Miñambres
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera