« Gauzurtz baten izenak asmatzen | Ispiluak »
Aurten ere diferente izanen da / Askoren artean / Susa, 1985
Aurten ere diferente izanen da Iñaki Camino / Argia, 1985-03-10
“85.eko narratiba” izena ageri da liburuan. Ez da ahantzi behar, iaz ere antzeko zenbait kaleratu zuela Susa taldeak, orduan ere ipuin bilduma kaleratu bait zuen. Aurtengoan zortzi izan dira idazleak. Banan banan lanen berri laburra emango dugu. F.J. Mendigurenek elkarrekin haserretzea erraz lortzen duen bikotea azaltzen digu, taberna batean jarri dira eta mutilaren kasketa karganteek egoera oso zail bihurtuko dute. Joxean Sagastizabalen “Zerupe”n, eskailera bereko bizilagun batzuk goizeko ordu ilunetan dauzkaten pasadizuak kondatzen zaizkigu, puta bat eta etxeko atezain zaharra ditugu protagonista. “Atera nazazue” Xabier Zorrozarena da eta bertan, eskolako haurrak berekin hartuta bere guraso zaharren baserrira asteburua pasatzera doan irakaslearen gau lorik gabea ematen zaigu aditzera. Asaba zaharrek izandako izpirituekiko arazoak irakasle honi agertzen zaizkio. Laura Mintegi da laugarrena, “Teresa” kontakizunarekin. Hiritzarreko kale goiztiarretan egunkari saltzen ari den emakume gizarajoak sortzen dituen usteak gaztaro erosoago batekin kontrastatzen ditu egileak. Jokin Ansorenaren “Kafetegia” esaldi konbentzional eta minutu arrunten sarera garamatzan narrazio llaburra dugu, egunerokotasunaren intraszendentzia azaltzen diguna. “Hor dago” Eukene Martinen ipuina dugu. Herri ttiki bateko igande arratsalde batez musean dihardute enpresarioak, besarritarrak, neska gazte batek eta zientzia munduan sartutako beste gazte batek. Ondoan herriko emakume batzu amona zaharraren ipuinak aditzen ari dira. Pixkana, pixkana, amonaren ipuina eta museko jokoren artean antzekotasunak sortzen dira. Iñaki Ugartebururen “Aitzindaria” larogeitaka urtetan erditutako Anastasiren bizitzaren zati bat aitatzen duen ipuina dugu. Azkenik Gorka Setienen “Klara eta ura” dator, porro, alkohol, musika eta sexuz zipriztindutako ipuina.
Mundu zitalaren kontra
Lizar Begoña
Amaia Alvarez Uria
Gerezi-denbora
Montserrat Roig
Asier Urkiza
Herriaren hezkuntza eta demokrazia
Nadezhda Krupskaia
Nagore Fernandez
Farorantz
Virginia Woolf
Aritz Galarraga
Markos Gimenoren 101 letrakartel
Joseba Sarrionandia
Mikel Asurmendi
Poesia kaiera
Giorgos Seferis
Irati Majuelo
Altxa, hildakoak
Fred Vargas
Joxe Aldasoro
Airemortuak
Gorka Salces Alcalde
Maddi Galdos Areta
Mundu zitalaren kontra
Lizar Begoña
Asier Urkiza
Izotz ura
Lide Hernando Muñoz
Nagore Fernandez
Airemortuak
Gorka Salces Alcalde
Paloma Rodriguez-Miñambres
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia