kritiken hemeroteka

6.959 kritika

Azken kritikak

« | »

Gure Gauzak S.A. / Ur Apalategi Idirin / Utriusque Vasconiae, 2004

Ezpal berriak aterako dituzun menturan Mikel Asurmendi / Irunero, 2006-02

Ur Apalategi Idirinen Gure Gauzak S.A. eleberriak zer esan franko eman du euskal letren errepublikan. Egileak berau argitaratu nahi eta hainbat argitaletxeen ezezkoa jaso zuen. Liburua editore askoren eskutik pasa zen, eta dirudienez esku asko erre ere. Hitz batean, polemikaren zurrunbiloan jalgi zen literatur plazara. Azkenik, Utriusque Vasconiae argitaletxearekin kaleratu zen, eleberrigintzarako argitaletxeak abiatu sail berrian. Nik berau atera berritan zela, irakurri eta egilearekin solastatu nintzen, baita eleberriari bere juzkua edota zukua atera ere.

Irakurri baina, ez dugu betiere nahi dugun patxada eta soseguarekin egiten, eta naski, horrenbeste polemika sorrarazi zuen nobela honi ez nion ezpalik —publikora, hots— atera. Egiari zor, neronek landu ohi ditudan enborretatik ezpalak baino ez dizkizuet ekartzen. Ezpal ezko eta meheak batzutan, ezpal lodi adabegiak bestetan.

Oraindik orain eleberria akordura jalgi zait, eta ordudanik buruan jasoak nituen ezpal haiek paperera ekarri nahian ari nauzu. Finean eta funtsean, irakurle horrek, Gure Gauzak S.A. eleberri gotorrari —edota kasurako enborrari— hel diezaiozun!

Enborra zelai heze batean aurkituko duzu, euskal literaturaren zelaian alegia. Paisaia hezea hemen nahiz lehorra hor, literatura gudu zelaia izan baitaiteke, eta gudu zelai labainkorrak zein hautsez estaliak kausitu ditzakezu.

Laburrean bada ere, akorduan dudana isuriko dut segidan. Berean euskalgintzaren mundua aurkituko duzu, argitaletxeen mundua, gure kultur industriaren paradigmak, interesak eta ezin ikusiak aurkituko dituzu. Errealitatetik hartutako ezpalez bestera, fikziozko aldean idazle bat aurkituko duzu, Julene Oihanburu gaztea protagonista. Julenek Gaston Berrizarren biografia osatzeko beka eskuratu du, eta hara, zeregin horren estakuruan bilbatzen du thriller hau Ur Apalategik.

Akordatzen naiz, fikzioa izanagatik errealitatera eramaten ninduela eleberriak, eta errealitatean harrapatuta, edo haren obsesioan eroria, aldian behin-edo, argumentuaren haria galtzen nuela. Galtze hori nire gabezia izan daiteke, haatik.

Halako batean eleberrian barrena bide egiteko asmoz itzuli nauzu, Gure Gauzak S.A. delakoaren barrena hots. Ezpal berriak aterako ditudan menturan, ezpal ezkoak eta umelak aldian, eta adabegi potolo eta idorrak bestetan. Bien bitartean, irakurle lagun horrek zuk zeuk zorroztu begiak, istorioan barrena hamaika harri koxkorrekin topo eginen baituzu. Ekiteko prest eta zoli?

Azken kritikak

Mundu ikuskerak euskal narratiba garaikidean: modernitatearen krisitik postidentitatearen promesera
Gorka Mercero

Mikel Asurmendi

Biennale
Beatriz Chivite

Peru Iparragirre

Mina edo libertatea!
Kepa Larrea

Javier Rojo

Hodien metafisika
Amelie Nothomb

Amaia Alvarez Uria

Nora goaz euskalduntasun honekin?
Joxe Manuel Odriozola

Joannes Jauregi

Gaizki ulertua
Irene Nemirovski

Aiora Sampedro

Hitzontziak
Xabier Montoia

Iratxe Esparza

Poesia kaiera
Rosalia de Castro

Igor Estankona

Mendi-joak
Aingeru Epaltza

Javier Rojo

Mendi-joak
Aingeru Epaltza

Peru Iparragirre

Gerezi denbora
Inazio Mujika Iraola

Amaia Serrano Mariezkurrena

Eoskola. Heziketa hipermodernoa
Mitxelko Uranga

Javier Rojo

Txoriak dira bederatzi
Tere Irastortza

Aitor Francos

Haizeari begira
Jon Ariza de Miguel

Usoa Alberdi Fernández

Artxiboa

Otsaila 2018

Urtarrila 2018

Abendua 2017

Azaroa 2017

Urria 2017

Iraila 2017

Abuztua 2017

Uztaila 2017

Ekaina 2017

Maiatza 2017

Apirila 2017

Martxoa 2017

Hedabideak