kritiken hemeroteka

6.964 kritika

Azken kritikak

« | »

Blackout / Xabier Montoia / Susa, 2004

Kolaboratzaileak Felipe Juaristi / El Diario Vasco, 2004-05-28

Gerra garaiko Paris dugu eleberri honen protagonista, edo behintzat zilegi da halakorik esatea. Pertsonaia nagusia hiria bera baita, hiri okupatua, hiri naziz betea, hiri aprobetxatua, etekina ateratzen baitiote klase eta salda guztietako oportunista bihotz-gabeek. Etxegoien da horietarik bat. Euskalduna, Parisa etorria, aberastera eta bere ezkutuko apeta guztiak eta bere grinarik beltzenak asetzera.

Kolaboratzailea, nazien mendeko egunkari batean lan egiten baitu, editorial-egile edo antzeko. Gogora ekartzen du Celine bat edo beste, gaztelu batetik bestera ibili zena.

Parisa ondo islatuta dago, eta hori da gehienbat gustatu zaidana. Hiriaren usaina jasotzen jakin baitu idazleak, hiriaren usaina eta musika, jazza kasu honetan, hiriaren usaina eta jatetxe zein bestelako etxeetako giroa, hiriaren usaina eta kolorea. Bon. Nobela beltza da, edo behintzat nobela beltz klasikoaren ezaugarriak ditu: eskrupulorik gabeko pertsonaiak, beren buruaz beste ezertaz pentsatzen ez dutenak, emakumeren bat edo beste, lortezina irudiz, zuzentasunaren eredu, bere duintasuna gordeko dutenak, direnak direlarik.

Azpimarratzekoa da, liburuko pertsonaia guztien artean soilik emakumeak direla bihotz onekoak. Krudeltasuna agerikoa da nobelan, eta batzuetan gehiegizkoa ere bai, sobera dagoen zerbait, edo hala iruditu zait behintzat.

Elkarrizketak nobela beltzekoak dira, zuzenak, baina ez sakonak, gehiago giroa indartzeko ezer berririk ekartzeko baino. Zuzentasuna, bai, ezaugarri gisa, esango nuke. Eta indarra, edo indarkeria, ez dakit. Hizkuntza ere berezia da, lapurtera baitirudi, lapurtera oso berezia noski, beste euskalkietako ukitu eta ekarpenekin.

Azken kritikak

Hadji-Murat
Lev Tolstoi

Joannes Jauregi

Bertso bilduma
Etxahun - Pierre Topet

Aritz Galarraga

Goldsmithen ikaslea
Joxean Agirre

Estibalitz Ezkerra

Alexis Zorbaren hitzak eta egintzak
Nikolas Kazantzakis

Hasier Rekondo

Zaldi beltzak zeruan
Txomin Peillen

Javier Rojo

Mundu ikuskerak euskal narratiba garaikidean: modernitatearen krisitik postidentitatearen promesera
Gorka Mercero

Mikel Asurmendi

Biennale
Beatriz Chivite

Peru Iparragirre

Mina edo libertatea!
Kepa Larrea

Javier Rojo

Hodien metafisika
Amelie Nothomb

Amaia Alvarez Uria

Nora goaz euskalduntasun honekin?
Joxe Manuel Odriozola

Joannes Jauregi

Gaizki ulertua
Irene Nemirovski

Aiora Sampedro

Hitzontziak
Xabier Montoia

Iratxe Esparza

Poesia kaiera
Rosalia de Castro

Igor Estankona

Mendi-joak
Aingeru Epaltza

Javier Rojo

Artxiboa

Otsaila 2018

Urtarrila 2018

Abendua 2017

Azaroa 2017

Urria 2017

Iraila 2017

Abuztua 2017

Uztaila 2017

Ekaina 2017

Maiatza 2017

Apirila 2017

Martxoa 2017

Hedabideak