susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Hutsaren erditik, garrasia | Kolaboratzaileak »

Koadro isila / Xabier Etxaniz Rojo / Erein, 2003

Margolariaren krisia Javier Rojo / El Correo, 2004-05-26

“Koadro isila” deitzen da Xabier Etxaniz Rojoren eskutik datorkigun nobela hau. Margolari bat, arrakasta txikikoa eta bizitzekoa, batez ere, klaseak emanez irabazten duena, da nobela honetako protagonista. Hogeita hamar urte ingurukoa da eta helduen moduan jokatzeko ordua iritsi zaio. Bera, ordea, krisian dago. Ordura arte bizitzan egindakoa errepasatzeari ekiten zaio, krisi horren gorabeherak kontatzen diren bitartean. Pertsonaiaren bizitzan azken hamabost urteetan garrantzitsuak izan diren gertakariak, gehienbat, Euskal Herriko politikarekin zerikusia dutenak azaltzen zaizkigu. Izan ere, protagonista abertzalea da eta abertzalea izan nahi du, baina bere munduan oinarri sendoak izan ziren planteamenduak kolokan daudela ikusten du. Honez gainera, bizilagun duen emakumearekiko harremana ere hoztuz doa, honek familia bat osatzeko duen helburuagatik. Gauzak honela, nobela topikoegi iruditu zait batzuetan. Bestaldetik, eguneroko errealitatetik hartu dira erreferentzia zehatzak (esate baterako, telebista-sailei buruzkoak). Eta erreferentzia hauek galduz gero, euskarriak galduko lituzke nobelak. Edonola ere, irakurtzea merezi du, besteak beste irakurleak heldutzat tratatzen baititu idazleak.