kritiken hemeroteka

8.068 kritika

Azken kritikak

« | »

Landura / Jose Luis Otamendi / Susa, 2022

Erloju hila Jon Martin-Etxebeste / El Diario Vasco, 2022-09-24

Apur bat leku hobea izan daiteke mundua poesiaren betaurrekoetatik begiratzen bada. Oinazearen erreari eta haizearen ederrari sakonago erreparatzeko ohiturari eusten dio Otamendik. Gazte garaiko ametsen porrota duintasunez liseritu du autoreak, eta onarpen horretatik garaipen txikiak erdietsi daitezkeelako adibideak eskaintzen ditu. Borroka zaharren oihartzunak eta erronka berrien erantzunak biltzen ditu liburuak, zoli: “humanitatearen aldiko porrotik tarteko ez balitz/ ez luke hain garaitza ankerrik lortuko beti kapitalak”. Pandemiaz eta haren ondoren geratu zaigun munduaz idazten du poetak, eta bost urte lehenago pentsaezinak liratekeen jolasak proposatzen ditu: “gu geu suntsipen eta/ amodio masiboko makinak ez gara ba”, “negatibo faltsuak/ zorion probetan”, “uste dut/ mende biren arteko ibi estuan/ immunitatez gaixo egon naizela”.

Bere aurreko liburuan (“Disoluzio agiriak”) erauntsietan itotzeko beldur zela esanez amaitu zuen liburua poetak. Hiru urte beranduago, bere bertso-lerroak euri finarekin hasten dira. Lurrun dira batzuetan, eta besteetan putzu; aldiro inguru solidoaren formara egokitzen diren isurkari. Bizi ere, bustiz, euri bilakatuz bizi behar dela ohartarazten dio irakurleari lehen poematik. 31 poema dakartza eskutik Otamendik. Haietan nabarmentzen du nola edertasun globalak eta erosotasun lokalak minaren gainean eraikita dauden. Horren jakitun da autorea, eta zenbaitetan errudun sentipena nabari da poematan. “Erloju hila” edo “Bigarren loa” bezalako poematan goia jo du poetak. Bere lerroen zaleek egongela erosoa topatuko dute liburu honetan, argi zaharberritu batek eraldatua. Bere lerrorik inoiz irakurri ez dutenek euskal literaturako poema ederrenetako batzuk irakurtzeke dituzte. Bere antologia liburuari orrialde dezente erantsi beharko zaizkio…

Azken kritikak

Keinura itzuli
Elena Olave

Irati Majuelo

Poema liburu bat ---irakurtzeko jarraibideak---
Angel Erro

Maddi Galdos Areta

Ipuina engainua da
Iban Zaldua

Aitor Francos

Isildutako eskuak
Jon Abril

Aitor Francos

Atsoa
Victor Catala

Nagore Fernandez

Erretzaile damutuen konpainia
Aingeru Epaltza

Asier Urkiza

Borrokalari transgeneroak
Leslie Feinberg

Amaia Alvarez Uria

Berriz zentauro
Katixa Agirre

Ibon Egaña

Amatu
Maite Lopez Las Heras

Mikel Asurmendi

Berriz zentauro
Katixa Agirre

Irati Majuelo

Kale gorriko umeak
Pier Paolo Pasolini

Ibai Atutxa Ordeñana

Berriz zentauro
Katixa Agirre

Jon Martin-Etxebeste

Azken etxea
Arantxa Urretabizkaia

Mikel Asurmendi

Hamahiru ipuin
Luisa Carnes

Asier Urkiza

Artxiboa

2022(e)ko abendua

2022(e)ko azaroa

2022(e)ko urria

2022(e)ko iraila

2022(e)ko uztaila

2022(e)ko ekaina

2022(e)ko maiatza

2022(e)ko apirila

2022(e)ko martxoa

2022(e)ko otsaila

2022(e)ko urtarrila

2021(e)ko abendua

Hedabideak