« Elefanteen hilerria | Gaztetasunaren atakatik »
Infinitua ihi batean / Irene Vallejo (Fernando Rey) / Pamiela, 2021
Literaturari Ainhoa Aldazabal Gallastegui / Argia, 2022-01-23
Irene Vallejo idazlearen liburu hau 2019an argitaratu zen gaztelaniaz. Interes gutxikoa izango zelakoan aritu zela esan izan du autoreak elkarrizketaren batean, eta harriduraz hartu duela izan duen arrakasta. Hainbat sari jaso ditu; besteak beste, Espainiako Saiakera saria eman zioten 2020an.
Saiakera bat da Infinitua ihi batean. Literaturaren historia bat. Literatura maite duen autore baten lumatik idatzia. Ikasketaz filologo klasikoa da Vallejo, eta saiakera idazteko erabili dituen tonuan eta estiloan nabari zaio proposatzen duen horrekiko interesa eta pasioa. Tonu akademikoa darabil, beroa eta goxoa; estiloa ahozkotasunetik gertu dago. Bidaia liluragarri eta abenturazkoa Alexandrian hasten da, bertako liburutegia nola sortu zen kontatuaz. Literaturaren ertz ugariez ari da hainbat kapitulutan: idazleak, liburu objektua, liburutegiak, ipuin kontalariak, irakurleak, literatura irakasleak, liburu saltzaileak, kontu asmatzaileak, editoreak, liburuzainak, liburu dendak eta abar luze bat. Ekintzaren garaiotan behatzearen, hausnartzearen, pentsatzearen beharraz ere badihardu liburuak. Literatura den mundu zabal horri izugarrizko omenaldia egiten dio Vallejok. Maitasun erakustaldi handia da.
Ematen dituen datu, bertsio eta informazio guztiak irakurrita, Vallejok ikerketa sakon eta zehatza egin duela eta liburua urteetako lanaren emaitza dela ondoriozta genezake.
Konbinazio orekatua eta harmoniatsua lortzen du autoreak: saiakera batek eman behar dituen datuak ematen ditu eta ikerketa baten zehaztasuna du, alde batetik. Asko ikasten da 450 orrialdeetan barrena. Eta, bestetik, ahozkotasunaren magiak eta gertutasunak limurtu egiten gaituzte, Xerezaderen kontakizunek egiten duten bezala.
Fernando Reyk bikain itzuli duen liburu hau urte aldaketarako zubi izan dela aitortu behar dizuet. Liburu honekin ibili dut 2021etik 2022rako bidea. Urteko azken liburua eta urteko lehena izan da. Pena izugarria eman dit bidaia amaitzear zela ohartzeak, eskumako aldean gero eta orri gutxiago izateak, liburuaren pisua ezkerreko eskuarekin eutsi behar izateak. Letra hauen lerroetatik infinituki bidaiatzen jarraitu nahi nuke. Irakurketa itxaropentsua izan da, zalantzarik gabe.
Irakurketa ugariko urtea izan dadila 2022a, urte berri on!
Baden Verboten
Iker Aranberri
Asier Urkiza
Diesel
Bertol Arrieta
Nagore Fernandez
Maitasuna eta dirua, sexua eta heriotza
Mckenzie Wark
Jon Jimenez
Basokoa
Izaskun Gracia Quintana
Joxe Aldasoro
Zuzi iraxegia
Amaia Alvarez Uria
Ainhoa Aldazabal Gallastegui
O.ten gaztaroa neurtitzetan
Arnaud Oihenart
Gorka Bereziartua Mitxelena
Ez-izan
Jon K. Sanchez
Aiora Sampedro
Pleibak
Miren Amuriza
Jon Jimenez
Ehun zaldi trostan
Ainhoa Urien
Asier Urkiza
Oroi garen oro
Beatriz Chivite
Nagore Fernandez
Jakintzaren arbola
Pio Baroja
Aritz Galarraga
Antropozenoaren nostalgia
Patxi Iturregi
Hasier Rekondo
Francesco Pasqualeren bosgarren arima
Unai Elorriaga
Mikel Asurmendi
Baden Verboten
Iker Aranberri
Paloma Rodriguez-Miñambres