kritiken hemeroteka

8.602 kritika

« | »

Zeruko belardiak / John Steinbeck (Asun Garikano) / Elkar, 2021

Bedeinkapen madarikatua Jon Martin-Etxebeste / El Diario Vasco, 2021-07-24

Demagun badela Amerikako Estatu Batuetan herritar guztiek elkar zaintzen eta zelatatzen duten herrixka bat. Pentsamendu magikoa eta errealitatea elkarrekin bizi direla. Demagun paraje haiek bereziki emankorrak direla nekazaritzarako eta bertako aireak arnasteak bakez betetzen dituela hango lurrak lehenengoz zapaltzen dituztenak. Itxuraz, ez legoke munduan bizimodu berri bati ekiteko hura baino leku hoberik; baina bada madarikazio bat, zorionaren aurka tematzen dena: utzikeria batzuetan, gaitzen bat besteetan, zorte txarra gehienetan. Eta, une hori iristen denean, patuak paregabeko lur horiek uztera behartuko ditu herritarrak. Irudi luke zeruko belardiek etxe sailak lugorrian utzi behar dituztela aldiro berriz ere bizitzaz oparo ernamuindu aurretik.

Asun Garikanok itzuli du liburua. Eskarmentu handiko itzultzailea da tolosarra eta liburuaren fruitu-arbola usaina mantentzen asmatu du. Literatura Klasikoaren gailurretako bat den ipuin liburu hau XX. mende hasieran kokatuta dago eta herrietatik hirietako exodoa gertatzeko hamabi motibo pilatzen ditu. Steinbeckek (1902-1968) maisutasunez deskribatzen ditu herrietan sustraitutako sineskeriak eta kanpotarrekiko mesfidantzak. Jendarteko genero sistemak sortzen dituen presioak begibistakoak dira. Herri txiki batean gainerakoengandik bereizten dituen ezaugarriak izateak dituen onurak eta madarikazioak deskribatzen ditu Tularecito-ren ipuinak. Rosak eta Mariak bere burua betetzen diren profezia bat gorpuzten dute. Marrazo Wicks tratantea kapitalismoari eta itxurakeriari buruz gogoeta eginarazten duen ipuinaren protagonista izango da. Whitesidetarren sendian, berriz, ugalkortasunaren kapritxoak eta aitonaren legatua konplitu beharraren kondena uztartzen dira. Duela mende bat girotuta egonagatik egunerokotasun osoa duen liburua da honako hau. Guztiz gomendagarria.

Azken kritikak

Azken batean
Lourdes Oñederra

Mikel Asurmendi

Auzokinak
Gorka Erostarbe

Maddi Galdos Areta

Esker onak
Delphine De Vigan

Irati Majuelo

Meditazioneak gei premiatsuen gainean...
Martin Duhalde

Gorka Bereziartua Mitxelena

Urte urdin ihesak
Jesus Mari Olaizola "Txiliku"

Hasier Rekondo

Emakume oinutsa
Scholastique Mukasonga

Maialen Sobrino Lopez

Erroen izerdia
Jone Bordato

Nagore Fernandez

Azken batean
Lourdes Oñederra

Asier Urkiza

Izena eta izana
Jon Gerediaga

Jon Martin-Etxebeste

Enarak
Bernardo Atxaga

Mikel Asurmendi

Zahartzaroaren maparen bila
Arantxa Urretabizkaia

Irati Majuelo

Herioa Venezian
Thomas Mann

Aritz Galarraga

Azken batean
Lourdes Oñederra

Ibon Egaña

Goizuetako folkloreaz
Patziku Perurena

Mikel Asurmendi

Artxiboa

2025(e)ko azaroa

2025(e)ko urria

2025(e)ko iraila

2025(e)ko abuztua

2025(e)ko uztaila

2025(e)ko ekaina

2025(e)ko maiatza

2025(e)ko apirila

2025(e)ko martxoa

2025(e)ko otsaila

2025(e)ko urtarrila

2024(e)ko abendua

Hedabideak