« Titulo luzeek zerbait ezkutatzen dute beti | Grezia kontraesankorra »
Espedizioa: mendi ororen pisua / Juanra Madariaga / Txalaparta, 2015
Espedizioa: mendi ororen pisua Rafa Ugalde / Begitu, 2018-11-02
Juanra Madariagak, Txalaparta argitaletxearen eskutik, 2015ean argitaratutako liburua da. Liburu bikaina, benetan; definiduten edo sailkatuten ez da erraza, baina liburu parebakoa.
Tontorragaz egiten dau amets mendira doanak, eta asko dira behin tontorrera helduta libururen bat eroaten dabenak, han goian pasarteren bat irakurteko. George Mallory ingelesak Virginia Woolfen The voyage out (bidaiaren amaiera) liburua eroan eban aldean. Ez dakigu, baina, irakurterik euki eban ala ez, tontorrera heldu zanik be ez dakigu eta.
Madariagak Unai Elorriagaren SPrako tranbia eroan eban Shisha Pangmara egin eban bidaian, eta liburu horren protagonistea dan Lucas be Juanra Madariagagaz batera joan zan tontorreraino. SPrako tranbian Lucasen ametsa zortzi milako mendiak igotea zan, eta Juanra Madariagaren eskutik heldu egin da zortzi milako baten tontorreraino.
Ibilbide hori idazlearen gogoeten artean egingo dogu, oso modu errealean; igarri egingo dogu hotza azalean, eta oxigeno faltearen larritasuna biriketan. Goi-mendiak eragiten dabezan tensinoa, bildurra, segurtasun faltea… aldean sentiduko doguz orrialdeetan zehar, eta estualdi latzenetan urtenbidea topetan lagunduko deuskun lagun inbisiblea be bidelagun izango dogu; hori be erreala balitz moduan ikusiko dogu. Azkenean, tontorrean, pozak, nekeak, estutasunak, arriskuak, arrakastak… horreen guztien coktailak eragindako negarra.
Ez dakit zelan definidu liburua. Narratiboa da, baina ez da nobela bat; bidaia liburua da, baina ez da bidaia hutsa; liburu intimistea da, eta aldi berean barruko sekretuak danontzat zabaltzen dituana; mendizaletasunaren istorioen bilduma da, baina ez da liburu historikoa. Sano liburu samurra da, eta poetikoa, gizatasuna eta goi-mendia maisutasunez alkartuten dituana; mendia maite dauanak irakurri beharrekoa, eta samurtasuna maite dauanak be bai.
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos
Ez naiz ondo akordatzen
Karlos Linazasoro
Sara Cabrera
Gizon barregarriak
Joxean Agirre
Sara Cabrera
Ura ez baita beti gardena
Xabi Lasa
Irati Majuelo
Gaueko azken expressoa
Eneko Aizpurua
Ibon Egaña
Carvalho Euskadin
Jon Alonso
Aiora Sampedro
Gizadiaren oren gorenak
Stefan Zweig
Jon Jimenez