kritiken hemeroteka

8.031 kritika

Azken kritikak

« | »

Ia hemen / Juanjo Olasagarre / Pamiela, 2018

Poz dekretatua Jose Luis Padron / Bilbao, 2019-05

Ia hemen poesia liburu saritua 2018an kaleratu zuen Juanjo Olasagarrek (Arbizu, Nafarroa, 1963). Gipuzkoako Foru Aldundiak antolaturiko “Xabier Lete poesia saria” irabazi zuen 2017an, eta Pamiela argitaletxeak kaleratu zuen iaz. Aurten, Literatur Kritikarien Espainiako Elkarteak saritu berri du, Juanjo Olasagarren lana, bere generoan, iazko euskarazko libururik onena dela ebatzita.

Inoiz ez da garai txarra poesia irakurtzeko. Askok behar izaten dugu, irakurketaren bidez bizitzari zentzu bat emateko. Poemen bidez saiatzen da Juango Olasagarre egunari zentzua ematen ere. Egunero bere bizitzari zentzua eman beharra sentitzen du, gertatzen zaion anabasatik gertaerak ordenatu behar ditu, eta poemek balio diote horretarako.

Gaupasak (Susa, 1991) eta Bizi puskak (Susa, 1996) izan ziren Olasagarreren aurreko poema liburuak, eta aurrekoaren jarraipena da 2000. urtean argitara eman zuen Puskak biziz (2000), Joseba Jaka II. Literatur Beka irabazi zuen lana. Hemeretzi urte joan dira, beraz, azkeneko bilduma argitaratu zuenetik, baina bizi puskak bizitzeko ahalegina egiten jarraitu du, poemak idazten ere bai, eta Ia hemen-en bildutako poemetan azken bi hamarkadetan bizitakoari, bizitzeko ofizio horretan ikasitakoari errepasoa egin dio. Olasagarrerentzat izatea edo nortasuna beti da ironikoa, gizakiok, neurri batean, geure buruak irakurtzen ditugulako, interpretatu, eraiki, geure buruei esplikazio bat, azalpen bat eman behar diogulako.

Aurreko poema liburuetako “ni”-ra, ni poetikora itzuli da berriz ere Ia hemen liburua idazteko, eta ni poetiko horrek bere buruari agintzen dio pozik egon, ondo bizi edo bizi ona eraman behar duela, baina hori ere lana da, ez da berez naturalki datorkigun zerbait. Poz dekretatua da den poz bakarra, esaten du Juanjo Olasagarreren ni poetikoak.

Olasagarreri gero eta gehiago gustatzen zaizkio kantu egiten diren poemak, liburu honetako lirikan aurkituko dute inspirazio-iturri kantariek. Dena dela, Olasagarre konformatuko litzateke, irakurleak poema pare bat irakurri, eta bizitzaren beste zirrikitu bat erakutsiko baliote, patetismorik gabe, bestearekin topo egin eta gozatzeko aukerarekin. Pozik gaude sariarekin; liburuarekin, bai noski.

Azken kritikak

Landura
Jose Luis Otamendi

Maddi Galdos Areta

Samuel eta Slawo
Karlos Linazasoro

Aitor Francos

Infinitua ihi batean
Irene Vallejo

Jose Luis Padron

Liztor mutanteak
Santi Leone

Mikel Asurmendi

Landura
Jose Luis Otamendi

Jon Martin-Etxebeste

Amaren heriotzak libreago egin ninduen
Mari Luz Esteban

Mikel Asurmendi

Feminismoa denon kontua da
Bell Hooks

Ainhoa Aldazabal Gallastegui

Bar Gloria
Nerea Ibarzabal Salegi

Jon Martin-Etxebeste

Ekaitza eta beste 34 ipuin
Kate Chopin

Amaia Alvarez Uria

Desertuan behatxuloa
Anjel Lertxundi

Ibon Egaña

Araka ditzagun gure bazterrak
Askoren artean

Jon Martin-Etxebeste

Kandelikara
Harkaitz Cano

Peru Iparragirre

Zoonomia
Nerea Arrien

Paloma Rodriguez-Miñambres

Itzalen distira
Arrate Egaña

Hasier Rekondo

Artxiboa

2022(e)ko urria

2022(e)ko iraila

2022(e)ko uztaila

2022(e)ko ekaina

2022(e)ko maiatza

2022(e)ko apirila

2022(e)ko martxoa

2022(e)ko otsaila

2022(e)ko urtarrila

2021(e)ko abendua

2021(e)ko azaroa

2021(e)ko urria

Hedabideak