kritiken hemeroteka

7.224 kritika

Azken kritikak

« | »

Zu entzuteko gaude / Xabier Mendiguren Elizegi / Elkar, 2018

Erredentzioa bilatu nahian Javier Rojo / El Diario Vasco, 2018-05-05

Xabier Mendiguren editore eta idazleak “Zu entzuteko gaude” izenburua duen narrazio liburua plazaratu berri du. Idazlan honetan hiru narrazio agertzen dira eta hirurek emakume bat aurkezten dute pertsonaia nagusiaren eginkizunean. Hiru emakume protagonista hauek antzeko ezaugarriak erakusten dituzte. Hirurak bakardadearen mugan mugitzen dira, nahiz eta askotan beste pertsona batzuk eduki inguruan. Izan ere, emakume hauen eta inguruaren artean horma antzeko bat eraikita dagoela ematen du, eta pertsonaiei ezinezkoa zaie horma hori gainditzea eta gizartean integratuta sentitzea. Lehenengo narrazioan, adibidez, seme elbarria duen emakume bat da protagonista, eta erru-sentimenduak bultzatuta aspaldiko senargaia bisitatzera joatea bururatu zaio. Erru-sentimendu horrek, bestaldetik, ia-ia bere burua zigortzera eramaten du erredentzio moduko bat bilatuz. Bigarren narrazioan, langabezian geratutako pertsonaiak eskultorea izateko asmoa berreskuratzen du, eta horretarako itsasoak hondartzara ekarritako enbor zaharrak biltzen ditu, haiekin eskultura bat egingo duelakoan. Hirugarrenean, protagonistak orduak pasatzen ditu telefono zerbitzu batean besteen arazoak entzuten; berak, ordea, ez du inor bere kontuak entzuteko.

Munduarekin zorra dutela irudikatzen dute, eta aldez edo moldez zor hori kitatu behar. Erru-sentimendu hori aspaldiko huts egiteengatik sortu zaie baina desoreka nabarmena sortzen da itxurazko zorraren eta hartzen duten zamaren artean, halako moduan non ia ezinezkoa zaien hartatik askatzea.

Idazleak planteamendu hauekin sortu dituen narrazioak, bestalde, nahiko eskematikoak dira, eta pertsonaiak lau samarrak suertatzen dira, gardenak lehenengo momentutik, sentimendu horiek jasotzeko ontzien antzekoak. Planteamendu eskematiko honetan, narrazioetan agertzen diren anekdota zehatzak pertsonaien barne egoeraren metaforatzat aurkezten dira, barne egoera horren kontrairudia, gertakarietan isla baitu pertsonaiak bizi direneko egoerak.

Azken kritikak

Winston
Martin Etxeberria

Aiora Sampedro

Laranja mekanikoa
Anthony Burgess

Joannes Jauregi

Etsaiak, lagunak, ezkongaiak, maitaleak, senar-emazteak
Alice Munro

Amaia Alvarez Uria

Aingurak eta arrangurak
Josu Jimenez Maia

Alex Uriarte

Larrutik ordaindua
Joseba Lozano

Iratxe Esparza

Amek ez dute
Katixa Agirre

Hasier Rekondo

Rosa itzuli da
Pako Aristi

Javier Rojo

Ostadarrak lurra ukitzen duen lekua
Edorta Jimenez

Peru Iparragirre

Winston
Martin Etxeberria

Javier Rojo

Berriro itzuliko balitz
Xabier Etxeberria

Joannes Jauregi

Aldi baterako
Manu Lopez Gaseni

Igor Estankona

Disoluzio agiriak
Jose Luis Otamendi

Igor Estankona

Duvoisin kapitainaren malura
Kepa Altonaga

Javier Rojo

Aingurak eta arrangurak
Josu Jimenez Maia

Aitor Francos

Artxiboa

Martxoa 2019

Otsaila 2019

Urtarrila 2019

Abendua 2018

Azaroa 2018

Urria 2018

Iraila 2018

Abuztua 2018

Uztaila 2018

Ekaina 2018

Maiatza 2018

Apirila 2018

Hedabideak