kritiken hemeroteka

7.544 kritika

Azken kritikak

« | »

Pelegrinak / J.E. Urrutia Capeau / Pamiela, 2018

Sineskeriak Javier Rojo / El Diario Vasco, 2018-04-07

J.E. Urrutia Capeau ibilbide luzeko idazlea da, literatur ibilbide horrek batzuetan helburu argirik gabekoa ematen badu ere, gorabehera askotakoa, alegia. Oraingoan “Pelegrinak” izenburuarekin narrazio bilduma bat plazaratu du. Narrazio hauek erlijio sinesmenen inguruan eraikita daude. Baina sinesmen eta sineskeriaren arteko muga oso lausoa izanik, erlijioaren bidez pertsona batzuek beste batzuk nola manipulatzen dituzten azalduko zaigu. Sinesmenak sineskeriak baitira, eta sineskeria horiek lanabesa egokiak izan daitezke gizakiak kontrolatzeko. Hau guztia, ironiarekin azalduta dago Urrutia Capeauren liburuan, itxuraz mirariak diren edo miraritzat aurkezten diren gertakarien atzean dagoen errealitate gordina azaltzen da-eta erlijioa boterea eskuratzeko tresna bat besterik ez delarik halakoetan.

Istorio hauetan kontatzen direnak kokatzeko, idazleak gehienetan mundu exotikoak hautatu ditu. Amerika Erdialdeko eskualdeak, adibidez. Istorio hauetan kontatzen direnak kolonialismoak inposatu nahi zuen erlijioak Afrikatik eramandako esklaboek gordetzen dituzten sinesmenekin talka egiten duen garaian kokatzen dira, ametsetatik aterata dirudien mundu bat islatzen dutelarik. Leku exotiko horiek ekialdekoak ere izan daitezke, eta hainbat erlijio ikusten ditugu lehian jendea erakarri nahirik. Halako giro exotikoak erabilita, gaurkoa eta hemengoa den ingurutik aldentzen da irakurlea, eta aldentzen den neurrian errealitatearekiko perspektiba irabaz dezake. Liburuaren hirugarren ezaugarri aipagarriak ere irakurlea inguru hurbil honetatik urruntzeko balio du, idazkerak berak horretara jotzen du-eta. Testua euskal liburu klasikoetan erabiltzen zen idazkera barrokoa irudikatu nahi du, ia-ia garaiko kronika izango balitz bezala. Alde horretatik begiratuta, idazkerak itxura modernista hartzen du, joskera bihurri eta hiztegi bereziarekin.

Edonola ere, idazlan hau artefaktu pertsonalegia iruditu zait jende askoren interesa erakartzeko.

Azken kritikak

Poesia kaiera
Forugh Farrokhzad

Ibai Atutxa Ordeñana

Poesia kaiera
June Jordan

Aiora Sampedro

Gaitzaren loreak
Charles Baudelaire

Joannes Jauregi

Poesia kaiera
Forugh Farrokhzad

Igor Estankona

Poesia kaiera
Forugh Farrokhzad

Irati Majuelo

Hormako paper horia
Charlotte Perkins-Gilman

Amaia Alvarez Uria

Gaitzaren loreak
Charles Baudelaire

Javier Rojo

Poesia kaiera
June Jordan

Igor Estankona

Nobela errealista bat
Joxean Agirre

Joannes Jauregi

Moio - Gordetzea ezinezkoa zen
Kattalin Miner

Aiora Sampedro

Den-dena nahi dugu
Nanni Balestrini

Ibon Egaña

Erbesteko elurra
Felipe Juaristi

Javier Rojo

Lurra eta dardara
Askoren artean

Irati Majuelo

Miren eta erromantizismoa
Ramon Saizarbitoria

Imanol Mercero

Artxiboa

Maiatza 2020

Apirila 2020

Martxoa 2020

Otsaila 2020

Urtarrila 2020

Abendua 2019

Azaroa 2019

Urria 2019

Iraila 2019

Abuztua 2019

Uztaila 2019

Ekaina 2019

Hedabideak