kritiken hemeroteka

8.826 kritika

« | »

Iru ziren/ Herriko bozak/ Nor alkate / Piarres Larzabal / Auspoa, 1962

Iru ziren/ Herriko bozak/ Nor alkate Luis Mitxelena / Egan, 1962

Txorakeria litzateke Larzabal jauna nor dugun azaltzen hastea, ongi merezia baitu euskal teatroan daukan leku garaia. Bere obrak, ordea, maiz aurkeztuak eta ikusi-entzunak izan arren, ez zeuden behar bezala argitara emanak.

Auspoa hasi da huts hori gure artean betetzen, nondik aukera izan dezaten teatrozaleek. Eta bitara argitaratzen hasi da gainera: jatorrizko hizkeran eta gure ingurukoan, bata bestearen aldamenean daudela. Zuzen, noski, horrelako aldakuntzak, axalari gehiago dagozkionak badira ere mamiari baino, beharrezkoak baitira oraingoz gure teatroan. Gipuzkeratzea Manuel Lekuona apaiz jaunaren eskuetan utzia izan da eta aski da horrenbesterekin, nekez baitzitekeen aldatzaile hoberik aurki.

Harrigarria da batetik Larzabalen gogo-zabaltasuna, ezkereskui ari baita teatroan, komerian bezain trebe drama latzean. Eta are harrigarriagoa agian bere dohai aberatsei ezartzen dien muga ertsia, bai baitaki norekin ari den. Euskal literaturan egilearen asmoak eta irakurle-entzuleen gaitasunak eta nahiak maiz bereizten dituen osinaren aztarrenik ez da aurkitzen teatroan.

Ameriketara artzai doazen euskaldun gazteak lehenbizikoan eta herri txiki bateko bozak bestean, hauexek dira egileak hemen darabiltzan gaiak, noiz irrigarri, noiz negargarri. Xuria eta beltza, argia eta itzala nahaste, giza bizitzan gertatu ohi den legez, esku trebez eta lotsa gaiztorik gabe pintatu dituen irudi hauek badute kemen eta su. Ez dute gure artean irakurlerik aspertuko. Eta irakurri edo entzun ondoan, zerbait eta zerbait baino gehiago ikasia izango dugu, antzearen itxura apainen azpian bildurik, troxatan bezala, dagoen irakatsia, teatro onari dagokionez.

Azken kritikak

Nola esaten zaio agur ama bati
Uxue Razkin

Peru Iparragirre

Mari-alderrai
Colette

Aritz Galarraga

Erreplika
Maialen Berasategi Catalan

Ibon Egaña

Hegal egiten
Eneko Bidegain

Mikel Asurmendi

Sorbatza
Markel Sanchez

Asier Urkiza

Dakigun hori
Garazi Arrula Ruiz

Nagore Fernandez

Ipuinak eta antzezlanak
Lourdes Iriondo

Amaia Alvarez Uria

Ezezagunak trenean... irakurtzen
Miren Billelabeitia

Paloma Rodriguez-Miñambres

Dakigun hori
Garazi Arrula Ruiz

Mikel Asurmendi

Narrugorrik
Ixiar Rozas

Peru Iparragirre

Lera
Castillo Suarez

Maialen Sobrino Lopez

Hezitopia
Nora Salbotx

Joxe Aldasoro

Atzerakarga
Fermin Etxegoien

Asier Urkiza

Manifestu filosofikoa
Agustin Arrieta Urtizberea

Aritz Pardina Herrero

Artxiboa

2026(e)ko azaroa

2026(e)ko urria

2026(e)ko iraila

2026(e)ko abuztua

2026(e)ko uztaila

2026(e)ko ekaina

2026(e)ko maiatza

2026(e)ko apirila

2026(e)ko martxoa

2026(e)ko otsaila

2026(e)ko urtarrila

2026(e)ko

Hedabideak