« “Zeru menditik” | Jokua ez da errenta »
Olerki ta idatzi guziak / Loramendi / Itxaropena, 1961
Olerki ta idatzi guziak Luis Mitxelena / Egan, 1961
Iaz Loramendiren omenez Bedoñan egin zen jaialdiaren ondoren dator Loramendi zenari eta euskal poesiari aspaldidanik zor genion liburu eder hau. Orduko sariketan lehen saria eraman zuten idazlanak agertu ziren Euskeran. Orain, berriz, Loramendirenak berarenak, neurtitzak eta prosa, datoz liburu honetan, maitekiro bilduak eta argitaratuak.
Biltzailea Yurretar Julian Aita kaputxinoa izan da eta, Bedoñatar Joakin kaputxino-gai zenaren lanak arretaz eta osotoro biltzeaz gainera, argibide ugariz jantzi ditu. Hori gutxi ez dela, haren bizitza eta lanak ederki azaldu ditu bildumari ipini dion hitzaurrean.
Badu liburuak hitzaurreaz landara beste hitzaurre edo erdiko hitz bat, arras biziki, egoki eta, honela esan badaiteke, toleskabeki idatzia: Orixe-rena Loramendiren olerkiaz. Zuzen baino zuzenkiago adierazten du bertan Loramendiren izenaren eta eginen egokitasuna: Izan ere, lore oriek igali edo arnari biurtu baiño len il zan gizagajoa.
Nolanahi ere, lore ugaririk utzi zigun Loramendik, fruitu heldurik emateko astia kendu bazitzaion ere. Erromantiko purrukatu hark bazuen bere garaiko olerkari gutxik adinako etorri eta hitz aberastasuna; baita, aldizka, aberatsaren aberatsez, hitz ozenen eta irudi distiatsuen osinean murgiltzeko isuria ere. Dena den, beti trinkoak ez badira haren bertsoak, biribil-biribilak izaten dira gehienetan.
Ongi mereziak dituzte eskerrak iazko omenaldia eta aurtengo bilduma hau argitaratzen saiatu diren euskaltzale azkarrek.
Poesia kaiera
Giorgos Seferis
Irati Majuelo
Altxa, hildakoak
Fred Vargas
Joxe Aldasoro
Airemortuak
Gorka Salces Alcalde
Maddi Galdos Areta
Mundu zitalaren kontra
Lizar Begoña
Asier Urkiza
Izotz ura
Lide Hernando Muñoz
Nagore Fernandez
Airemortuak
Gorka Salces Alcalde
Paloma Rodriguez-Miñambres
Ulu egiteko bolondres bila
Harkaitz Cano
Mikel Asurmendi
Mesfida zaitez
Bea Salaberri
Irati Majuelo
Transgresioa irakasgai
Bell Hooks
Bestiak Liburutegia
Manttalingo alaba
Mikel Etxaburu
Paloma Rodriguez-Miñambres
Airemortuak
Gorka Salces Alcalde
Asier Urkiza
Haragizko mamuak
Karmele Mitxelena
Nagore Fernandez
Zoriontasunaren defentsan
Epikuro
Aritz Galarraga
Zeru-lurren liburua
Jon Gerediaga
Aitor Francos