kritiken hemeroteka

7.474 kritika

Azken kritikak

« | »

Argia, lurra, zuhaitza, zerua / Jon Gerediaga / Pamiela, 2015

Denbora, bizitza Javier Rojo / El Correo, 2015-06-20

Jon Gerediagak, lauzpabost urtean behin gutxi gorabehera, poema-liburu bat plazaratzeko ohitura du. “Argia, lurra, zuhaitza, zerua” izenburua duen hau laugarrena da, eta dagoeneko idazle honengan ohikoa denez, gure literatura-munduan kontuan hartzea merezi duen idazlana. Hausnarketara bultzatu nahi duen poesia mota egiten du Gerediagak. Alde honetatik poesia eta pentsamendua lotzen dituen ildotik hurbil dago. Baina poeta honen lana berezia egiten duena ez da pentsamenduak poesiaren forma hartzen duela. Poeta honen berezitasuna da poesia bera pentsamendu bihurtzen dela, hausnarketa ez dela (zilegi bekit hala esatea) pentsamenduaren itzulpen poetikoaren ondorioa. Irudiaren presentzia erabatekoa da. Naturalezan oinarrituta, idazleak poema itxuraz sinpleak eskaintzen dizkigu, non forma poetikoaren aldetik ez den berrikuntza ikusgarririk egiten. Alde honetatik irakurlea eroso sentitu daiteke halako poemak irakurtzean, forma ez baita oztopo izango.

Naturalezaren presentzia horrekin batera subjektu poetikoa agertzen zaigu, aldi berean naturalezaren parte delarik. Subjektu poetikoak, liburu horretan ikusten duena hitzen bidez adieraztean, bere buruaz hausnartzen du. Eta batez ere denbora igarotzeak zer errepresentatzen duen azaltzen zaigu. Existentziari buruzko jarrera agertzen zaigu honela, non bizitzea bera erdigunean jartzen den, soseguz beteriko tonu baten bidez.

Ez gaude errealitatetik ihesean dabilen idazle baten aurrean, errealitate bortitza ere aipatzen baitu, baizik eta bizitzearen esentziaren bila dabilen gizakiaren aurrean. Batzuetan, eta badakit konparaketa hau gehiegizkoa izan daitekeela, Hölderlin-en poesia ekarri dit gogora. Izan ere ematen du poetaren hitzen bitartez naturaleza bera mintzo dela.

Azken kritikak

Errua eta maitasuna
Markos Zapiain

Aritz Galarraga

Gauez harrizko zubiaren azpian
Leo Perutz

Joannes Jauregi

Minareteak Urdaibain
Jose Mari Pastor

Aiora Sampedro

Andrezaharraren manifestua
Mari Luz Esteban

Iratxe Esparza

Blues bat bizitzari
Patxi Ezkiaga

Alex Uriarte

Poesia kaiera
John Berger

Javier Rojo

Ahanzturaren bezperan
Mikel Arruabarrena Larrarte

Irati Majuelo

Miren eta erromantizismoa
Ramon Saizarbitoria

Xabier Etxaniz Erle

Amua
Aritz Gorrotxategi

Hasier Rekondo

Pentaedroa
Kartxi - Txema Garcia-Viana

Javier Rojo

Hondarrak
Ruben Sanchez Bakaikoa

Txema Arinas

Aitaren etxea
Karmele Jaio

Amaia Alvarez Uria

Txipiroiak bere beltzean
Rafa Egiguren

Aiora Sampedro

17 segundo
Kirmen Uribe

Joannes Jauregi

Artxiboa

Otsaila 2020

Urtarrila 2020

Abendua 2019

Azaroa 2019

Urria 2019

Iraila 2019

Abuztua 2019

Uztaila 2019

Ekaina 2019

Maiatza 2019

Apirila 2019

Martxoa 2019

Hedabideak